Z nahody prodažu pałacava-parkavaha kompleksu ŭ Vaŭkavyskim rajonie rasijskamu biźniesoŭcu.
Z nahody prodažu pałacava-parkavaha kompleksu ŭ Vaŭkavyskim rajonie rasijskamu biźniesoŭcu.
Pałacava-parkavaja siadziba ŭ vioscy Kraski Vaŭkavyskaha rajona, pomnik architektury XIX-XX stst., pajšła z małatka. Pałac z parkam i hiektarami ziamli za $105 000 nabyŭ biźniesoviec z Rasii. Startavaja cana była razoŭ u siem bolšaja.
Padzieja hetaja prymušaje zadumacca: čamu biełarusy nie kuplajuć svaich pałacaŭ, jak heta pačali rabić rasijskija biźniesoŭcy? Možna zrazumieć toj fakt, što nieabchodnaj sumy nie znajšłosia ŭ miascovym biudžecie, ale niaŭžo pieravialisia bahatyry siarod biełaruskaha biźniesu? I havorka nie tolki i nie stolki pra staličnych pradprymalnikaŭ, jak pra miascovych — vaŭkavyskich, hłybockich, bychaŭskich. Tych, chto taksama moh by vykupić pałac, siadzibu, ci park u svaich miaścinach, kab nadać im novaje žyćcio. Moža heta prajava typovaj biełaruskaj aściarožnaści — nie vysoŭvacca, nie chvalicca svaim bahaćciem? Paśpiachovaść u našym krai vielmi časta abaročvajecca turemnym terminam z kanfiskacyjaj nažytaj nialohkaj pracaj majomaści. Sumny prykład vaŭkavyskaha pradprymalnika Mikoły Aŭtuchoviča heta paćviardžaje. A moža naš rehijanalny biźnies z peŭnych pryčynaŭ (i my viedajem mnohija z hetych pryčynaŭ) nijak nie moža abraści miasam, kab dazvolić sabie nie takija ŭžo i fantastyčnyja nabytki? Pytańni pakul zastajucca, a hetym časam rasijskija aliharchi skuplajuć našy pałacy pa canie minskaj trochpakajoŭki.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć50
Kamientary