U noč na 20 lipienia rasijskija vajskoŭcy dla ataki pa Ukrainie vykarystali nie tolki rakiety i drony-kamikadze typu Shahed-136, ale i jašče adzin novy dron nieŭstanoŭlenaha typu. Hety tajamničy bieśpiłotnik ruchaŭsia na vielmi nizkaj vyšyni ŭ 20-30 mietraŭ i prajšoŭ u aficyjnych paviedamleńniach, jak «BPŁA nieŭstanoŭlenaha typu», piša Defence-ua.com.
U spravazdačy kamandavańnia Pavietranych sił Ukrainy paviedamlałasia, što dziakujučy dziejańniam mabilnych ahniavych hrup, zienitnych rakietnych vojskaŭ i REB z 16 šachiedaŭ atrymałasia źbić 13, plus adzin nieidentyfikavany dron.
Ale paśla ŭ siecivie źjaviłasia pieršaja vyjava abłomkaŭ hetaha dronai, jaki sapraŭdy vielmi mocna adroźnivajecca ad Shahed-136. Bolš za toje, było ŭdakładniena, što jon ruchaŭsia na zvyšmałoj vyšyni 20-30 mietraŭ. A apošniaje niepasredna śviedčyć, što, chutčej za ŭsio, havorka idzie pra kamikadze.
Taksama z ułasnych krynic Defense Express atrymaŭ dadatkovyja fota hetaha źbitaha drona. Uličvajučy ich, havorka idzie pra BPŁA z mahčymym razmacham kryła bolš 4 mietraŭ, apiareńniem na belkach, šturchalnym vintom i fiuzielažam kvadratnaha profilu.
Možna adznačyć, što jon moža nahadvać rasijski ZALA 421-20, jaki maje peŭnyja padobnyja rysy. Ale hety BPŁA naležyć da raźviedvalnych, a tamu naŭrad ci lacieŭ by na takoj małoj vyšyni. Bolš za toje, drony hetaha typu małaraspaŭsiudžanyja i naŭrad ci jašče vyrablajucca, bo prasoŭvać hety robat ZALA pačała jašče ŭ pačatku 2010-ch hadoŭ, a ciapier jon nie fihuruje navat u katałohu pradukcyi kampanii.
U kožnym razie ciapier reštki hetaha drona daśledujuć, i heta aznačaje, što jahonyja mahčymaści, asablivaści, a taksama vytvorca i kampanienty, ź jakich jon sabrany, buduć ustanoŭlenyja ŭ najbližejšy čas, padsumoŭvaje Defence-ua.com.
Ukraina śpiašajecca stvaryć vajennyja bieśpiłotniki sa štučnym intelektam
Čamu rasijskija drony stali čaściej zalatać u Biełaruś?
Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju
USU nanieśli ŭdar pa vajskovym aeradromie ŭ Rastoŭskaj vobłaści
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary