Rumynskija vajskoŭcy praciahvajuć pošuki abłomkaŭ u inšych rajonach.
![](http://nashaniva.com/img/w840d4webp1/photos/z_2023_07/ached230725-qm009.jpg.webp)
Ministerstva abarony Rumynii paćvierdziła, što kala horada Płaŭru, raźmieščanaha kala miažy z Ukrainaj, byli znojdzieny abłomki rasijskaha bieśpiłotnika-kamikadze, piša Bi-bi-si.
U paviedamleńni, apublikavanym na sajcie rumynskaha abaronnaha viedamstva, skazana, što śpiecyjalisty viedamstva znajšli abłomki na adnym z troch mahčymych miescaŭ padzieńnia rasijskich dronaŭ.
Jany identyfikavany jak frahmienty bieśpiłotnika typu «Hierań1/2», skazana ŭ paviedamleńni.
Pa źviestkach ŚMI, bieśpiłotnik «Hierań» — anałah drona typu «šachied», jaki Rasija spačatku atrymlivała ad Irana, a zatym pačała vyrablać samastojna.
Rumynskija vajskoŭcy praciahvajuć pošuki abłomkaŭ u inšych rajonach.
«My padkreślivajem, što ŭsie łakacyi, identyfikavanyja jak mahčymyja rajony incydentaŭ, raźmieščany za miežami nasielenych rajonaŭ i tam niama elemientaŭ infrastruktury», — piša Ministerstva abarony Rumynii.
Ukrainskija vajskoŭcy śćviardžajuć, što ŭ noč na čaćvier źbić udałosia 25 z 38 dronaŭ, a jašče try byli «łakacyjna stračanyja paśla pierasiačeńnia dziaržaŭnaj miažy z Rumynijaj». Rasija hetyja źviestki nie kamientavała.
Kamientary