Vialikabrytanija płanuje raspracavać rakiety, jakija zmohuć źniščać rasijskuju jadziernuju zbroju
Płanujecca, što rakiety radyusam dziejańnia ŭ 3200 kiłamietraŭ Vialikabrytanija budzie raspracoŭvać sumiesna z Hiermanijaj.
U Vialikabrytanii razhladajuć mahčymaść sumiesnaj z Hiermanijaj vytvorčaści dalnabojnych rakiet, jakija zmohuć źniščać zapuščanuju Rasijaj taktyčnuju jadziernuju zbroju.
Rakiety atrymajuć radyus dziejańnia 3200 kiłamietraŭ. Raźmiaścić hetuju zbroju płanujecca ŭ Hiermanii zamiest amierykanskich rakiet, jakija buduć razhornutyja ŭ 2026 hodzie, piša Mieduza sa spasyłkaj na The Times.
U dypłamatyčnych kołach Vialikabrytanii ličać, što amierykanskija rakiety pavinny stać tolki pramiežkavym źvianom jeŭrapiejskaj abarony, pakul krainy Staroha Śvietu raspracoŭvajuć svaju sučasnuju zbroju.
Francyja, Italija, Polšča i Hiermanija raniej damovilisia sumiesna raspracoŭvać rakiety dalokaha radyusu dziejańnia. Ale kiraŭnictva Hiermanii prapanavała Vialikabrytanii pačać sumiesnuju raspracoŭku zbroi i, brytanski bok pahadziŭsia. Vierahodna, ministry abarony Vialikabrytanii i Hiermanii, abmierkavali hetaje pytańnie na sustrečy ŭ Bierlinie 24 lipienia.
Krynica ŭ brytanskich abaronnych kołach zajaviła The Times, što baki razhledzieli roznyja varyjanty, ale nie pryjšli da kančatkovaha rašeńnia. Vialikabrytanija nie vyrašyła, ci budzie ŭstupać u dvuchbakovaje abo šmatbakovaje partniorstva. Ministry abarony Vialikabrytanii Hiermanii padpisali sumiesnuju dekłaracyju, u jakoj zhadali, što buduć pracavać «u halinie mahčymaściaŭ dalokaha dziejańnia».
U Vialikabrytanii naściarožana pastavilisia da niadaŭnich zajavaŭ Uładzimira Pucina. Sa słoŭ dypłamatyčnaj krynicy, jany pakazvajuć na toje, što Rasija źnižaje paroh užyvańnia taktyčnaj jadziernaj zbroi. U Łondanie ličać, što heta tryvožnaje raźvićcio padziej.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści14
Kamientary