U Irkucku trenier spartškoły atrymaŭ pa danosie čatyry hady kałonii za toje, što źniaŭ sa ściany rasijski ściah
Treniera irkuckaj spartyŭnaj škoły alimpijskaha reziervu Alaksandra Skvarcova adpravili na try hady i 11 miesiacaŭ u kałoniju ahulnaha režymu pa abvinavačańni ździeku ź dziaržaŭnych simvałaŭ i reabilitacyi nacyzmu. Taksama jamu zabaranili try hady administravać sajty, paviedamlaje vydańnie Moscow Times.
Uviesnu 2023 hoda na Skvarcova napisaŭ danos kaleha. Supracoŭnik škoły źniaŭ videa, u jakim raskazaŭ, što paviesiŭ nad svaim stałom rasijski ściah, a na nastupny dzień nibyta znajšoŭ simvał u šafie, u miescy dla zachoŭvańnia abutku. Rabotnik śćviardžaŭ, što heta adbyłosia paśla źmieny Skvarcova.
«Uziaŭ sarvaŭ i zakinuŭ u šafu. Ściah paškodžany. Voś uvieś pakamiačany, załamany», — pakazaŭ jon ściah na kamieru.
Paśla hetaha na Skvarcova zaviali kryminalnuju spravu ab ździeku ź dziaržaŭnych simvałaŭ (artykuł 329 KK), taksama jaho abvinavacili ŭ raźmiaščeńni ŭ telehram-kanałach kamientaroŭ, jakija «reabilitujuć nacyzm i apraŭdvajuć teraryzm». Uvosień Skvarcova dadali ŭ pieralik «ekstremistaŭ i terarystaŭ», jaki viadzie Raśfinmanitorynh.
U krasaviku 2-i Uschodni akruhovy vajenny sud pryznačyŭ trenieru čatyry hady pazbaŭleńnia voli. Prysud byŭ abskardžany. Apielacyjnaja instancyja źniziła termin na adzin miesiac. Prysud nabyŭ moc 7 žniŭnia.
Siarhieju Dubaŭcu — 65. Pahutaryli pra novyja knihi, dražnieńnie Łukašenki, biznes na Zanzibary i samy ščaślivy čas6
Kamientary