Homielskija siłaviki prymusili zatrymanaha «za padpisku» raskazać pra seksualnuju aryjentacyju
Pra čarhovaha zatrymanym za padpisku na pablik, uniesieny ŭ «śpis ekstremisckich materyjałaŭ», paviedamiŭ kanał homielskich siłavikoŭ i apublikavaŭ videadapytańnie. Siłaviki prymusili mužčynu raskazvać pra svajo asabistaje žyćcio i pryznacca ŭ svajoj nietradycyjnaj seksualnaj aryjentacyi, piša «Fłahštok».
Jak vyśvietliŭ «Fłahštok», heta 30-hadovy mužčyna, miarkujučy pa jaho staronkach u sacsietkach — carkoŭny słužyciel (prynamsi ŭ minułym) Biełaruskaj pravasłaŭnaj carkvy.
Mužčyna skazaŭ, što byŭ padpisany na staronku «Čaj z malinavym vareńniem» u sacsietcy VK. Siłavik (vierahodna, supracoŭnik 8-ha ŭpraŭleńnia HUBAZiK MUS Homielskaha abłvykankama) pravodzić staranny dopyt i zadaje asabistyja pytańni: kolki zatrymany mieŭ seksualnych kantaktaŭ z mužčynami, jak znachodziŭ partnioraŭ.
Pry hetym na videa nie byŭ zaretušavany tvar mužčyny — u adroźnieńnie ad papiarednich padobnych rolikaŭ. Vierahodna, supracoŭniki milicyi zrabili heta śpiecyjalna, kab uskładnić žyćcio zatrymanamu.
Heta nie pieršy vypadak, kali siłaviki ŭ Biełarusi naŭmysna źnievažajuć zatrymanych u suviazi ź ich seksualnaj aryjentacyjaj i prymušajuć raskazvać pra heta.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień4
Kamientary
A voś supracoŭniki 8-ha ŭpraŭleńnia HUBAZiK MUS Homielskaha abłvykankama - jaŭna pi.da.ra.sy. Dy jašče i łukašysty.
Hańnie Siałuk padabajecca.
Hubazik, fas na H.Siałuk!