U Litvu nie prapuścili 74 katoŭ, jakich sprabavali zavieźci ź Biełarusi ŭ žudasnych umovach
Žyvioł vieźli tranzitam u Hiermaniju.
Dziaržaŭnaja vietsłužba Litvy viarnuła ŭ Biełaruś 74 katoŭ i košak, jakich sprabavali zavieźci ŭ krainu. 13 vieraśnia na vieterynarny pamiežny post u Miednikach ź Biełarusi prybyła vielizarnaja partyja žyvioł — 74 katoŭ vieźli ŭ mašynie tranzitam u Hiermaniju, paviedamlaje LRT.
Pa danych litoŭskich uładaŭ, žyvioł vieźli ŭ drennych umovach: u adnoj kletcy było pa niekalki katoŭ, u aŭtamabili stajaŭ niepryjemny pach, pavietra drenna cyrkulavała.
Z-za takich surjoznych parušeńniaŭ umoŭ pieravozki katoŭ nie puścili ŭ Litvu. Ich viarnuli ŭ Biełaruś.
Takoje rašeńnie było pryniata dla taho, kab žyvioły jak maha chutčej viarnulisia ŭ punkt adpraŭleńnia, zamiest taho, kab ździajśniać doŭhi šlach u Hiermaniju.
«Pieravozka takoj kolkaści žyvioł u takoj ciesnaj prastory ŭ adnym aŭtamabili — adzin z redkich vypadkaŭ, jakija zdaralisia ŭ majoj rabočaj praktycy. U vialikich kletkach stajali skryni, u jakich źmiaščalisia koški, pobač ź jakimi znachodzilisia roznyja staronnija pradmiety. Skrynki byli zanadta małyja, katy nie mahli svabodna pierasoŭvacca, im nie chapała miesca navat dla taho, kab zručna lehčy na padłohu i adpačyć», — raspaviała kansultant Departamient pamiežnaha kantrolu Ministerstva ŭnutranych spraŭ i kamunikacyj Kryścina Dajnoŭskicie-Šuścikie.
Pavodle jaje słoŭ, u aŭtamabili nie było tualetnych łatkoŭ, a jany nieabchodnyja dla taho, kab naležnym čynam zabiaśpiečyć umovy dohladu za žyviołami i hihijenu.
Ab hetaj situacyi buduć prainfarmavanyja dziaržaŭnyja kampietentnyja słužby Hiermanii, a taksama łatvijskija słužby, pakolki pieravozčyk byŭ z Łatvii.
Infarmacyja taksama budzie pieradadziena kampietentnym orhanam inšych krain Jeŭrasajuza.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu10
Kamientary