Sud u Hruzii prysudziŭ da 9 hadoŭ pazbaŭleńnia voli byłoha prezidenta Michaiła Saakašvili pa spravie ab kradziažy biudžetnych srodkaŭ na 9 miljonaŭ łary (kala $3,2 miljona), piša Mtavari.tv.
Sprava tyčycca kradziažu biudžetnych srodkaŭ u asabliva bujnym pamiery. Sudździa Badry Kačłamazašvili niadaŭna abviaściŭ hetaje rašeńnie.
Razam z Saakašvili sudzili Tejmuraza Džanašyja — byłoha kiraŭnika śpiecyjalnaj słužby dziaržaŭnaj achovy. Jaho prysudzili da vypłaty štrafu ŭ pamiery 300 000 łary.
Abodvum padsudnym byli pradjaŭlenyja abvinavačvańni pa častcy druhoj i častcy treciaj artykuła 182 Kryminalnaha kodeksa, jakaja maje na ŭvazie niezakonnaje prysvajeńnie bujnych sum hrošaj hrupaj asob z vykarystańniem svajho słužbovaha stanovišča pa papiaredniaj zmovie. Padsudnyja abvinavačvalisia ŭ rastracie biudžetnych srodkaŭ na sumu 9 miljonaŭ łary.
Michaiła Saakašvili zatrymali ŭ kastryčniku 2021 hoda, kali jon viarnuŭsia budučy ŭ vyšuku ŭ Hruziju napiaredadni parłamienckich vybaraŭ i potym asudzili na try hady źniavoleńnia, potym jašče na try.
Doŭhi čas jon znachodzicca ŭ turemnym špitali.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary