Rada Biełaruskaha niezaležnickaha błoku vystupiła z zajavaj, u jakoj patrabuje nieadkładnaha vyzvaleńnia «nievinavatych pradprymalnikaŭ i palitviaźniaŭ Mikałaja Aŭtuchoviča i Uładzimira Asipienki».
Pavodle BNB, sprava suprać sfabrykavanaja, a sam sud «nahadvaje śpiektakl, aktory jakoha — sudździa i prakuror razam z padstaŭnymi śviedkami, albo śviedkami, jakija nie majuć nijakaha dačynieńnia da hetaj spravy».
«Mikałaj Aŭtuchovič i Uładzimir Asipienka — achviary palityčnych hulniaŭ siońniašniaha režymu. U sudzie nie prahučała dokazaŭ, jakija b śviedčyli ab dačynieńni pradprymalnikaŭ da tak zvanych teraktaŭ. Bolšaść śviedak vykarystali toje, što sud adkryty i raspaviali, jak vybivalisia śviedčańni padčas śledstva i jak prymianiaŭsia ŭcisk na ich i ich siemji.
Naležnyja rečavyja dokazy pa spravie adsutničajuć albo sfalšavanyja.
Sprava suprać pradprymalnikaŭ razvaliłasia. Ale viadoma, što niezaležnaha suda ŭ Biełarusi niama. Tamu zrazumieła, što sud nie apraŭdaje Mikołu Aŭtuchoviča i Uładzimira Asipienku»,— havorycca ŭ zajavie Rady BNB.
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju15
Kamientary