12 krasavika 2010 hoda ŭ Łondanie na 92-m hodzie žyćcia pamior biełaruski śviatar Kastuś Maskalik.
12 krasavika 2010 hoda ŭ Łondanie na 92-m hodzie žyćcia pamior biełaruski śviatar Kastuś Maskalik.
Kastuś Maskalik naradziŭsia 28 traŭnia 1918 hoda ŭ Haradziei (siońnia Niaśvižski r-n Minskaj vobł.). Jon rana zastaŭsia siratoju pad apiekaj svajakoŭ, vučyŭsia ŭ miascovaj siamihodcy, potym ciaham dvuch hadoŭ pry Žyrovickim pravasłaŭnym manastyry. U traŭni 1941 hoda byŭ mabilizavany ŭ Čyrvonuju Armiju i vyviezieny ŭ Rasiju, ale jak "nienadziejny" ŭ chutkim časie apynuŭsia ŭ pracoŭnym bataljonie.
Paźniej pajšoŭ słužyć u Armiju Andersa, razam ź jakoj praź Iran, Irak, Paleścinu i Jehipiet u 1944 hodzie apynuŭsia ŭ Italii.
U 1947 hodzie Kastuś Maskalik pačaŭ navučańnie ŭ Hryharyjanskim univiersitecie ŭ Rymie. A 10 krasavika 1955 hoda atrymaŭ śviatarskija śviačeńni i praz paŭhoda pryjechaŭ u Łondan, dzie byŭ śviatarom pry Biełaruskaj katalickaj misii.
U 1958 hodzie a. Maskalik vyjechaŭ u Paryž na pasadu kiraŭnika Biełaruskaj katalickaj misii ŭ Francyi, adnak u 1962 hodzie byŭ pieraviedzieny ŭ Rym jak pamočnik a. Piatra Tatarynoviča ŭ pracy na Vatykanskim radyjo.
U 1985 hodzie ajciec Kastuś Maskalik viarnuŭsia ŭ Łondan na pracu ŭ Misii.
Ad 2000 hoda jon žyŭ u starečym domie. Jaho pastajanna adviedvaŭ jahony ziamlak z Haradziei ajciec Alaksandar Nadsan.
Ajciec Kastuś Maskalik byŭ ščyry i pabožny śviatar, jaki mieŭ sapraŭdnaje śviatarskaje paklikańnie.
Pachavańnie adbudziecca ŭ Łondanie 20 krasavika.
-
Vyjšła anhłamoŭnaja kniha pra apieracyju «Bahracijon» i vyzvaleńnie Minska
-
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały
-
«My zaŭsiody ličyli siabie staražyłami». Analiz DNK pakazaŭ, što siamja z Hiermanii žyvie ŭ svajoj vioscy ŭžo try tysiačy hadoŭ
Kamientary