Pa fakcie pažaru na Minskim zavodzie vyličalnaj techniki raspačata kryminalnaja sprava
Pa fakcie pažaru na Minskim zavodzie vyličalnaj techniki (MZVT) Frunzienskim RUUS raspačata sprava na padstavie č. 3 art. 304 Kryminalnaha kodeksa (parušeńnie praviłaŭ pažarnaj biaśpieki, što paciahnuła pa nieaściarožnaści śmierć čałavieka).
Uzharańnie na składzie, raźmieščanym na terytoryi MZVT, adbyłosia ŭ 9.05. Jak paviedamiŭ pres‑sakratar MNS Vital Navicki, skład u zavoda arandavała PUP «Palifanbaj».
Pieršyja ratavalniki prybyli na miesca zdareńnia praz try chviliny. U 9.55 adbyłosia abrušeńnie dachu. U hety čas dva ratavalniki znachodzilisia niepasredna na dachu, astatnija — kala ačahu ŭzharańnia, na pruhu pieršaha paviercha budynka. Siem supracoŭnikaŭ MNS apynulisia pad zavałami. Čatyry ź ich zahinuli: dva pamierli na miescy pry praviadzieńni reanimacyjnych mierapryjemstvaŭ, jašče dva — u balnicy.
Try ratavalniki dastaŭleny ŭ balnicu chutkaj dapamohi, ich stan miedyki aceńvajuć jak stabilny, siaredniaj stupieni ciažkaści. Pavodle infarmacyi hałoŭnaha lekara balnicy Viktara Sirenki, uzrost paciarpiełych — ad 20 da 40 hadoŭ.
«U ich typovyja dla takich vypadkaŭ paškodžańni — apioki, atručeńnie čadnym hazam, paškodžańnie skurnaha pokryva, pierałomy kaściej», — paviedamiŭ miedyk.
U balnicy znachodzicca jašče adzin supracoŭnik MNS — jon atruciŭsia praduktami hareńnia.
Pažar likvidavali ŭ 11.38. U jaho tušeńni byli zadziejničany 105 čałaviek i 25 adzinak techniki MNS.
Jak paviedamiŭ žurnalistam vykanaŭca abaviazkaŭ načalnika Minskaha haradskoha ŭpraŭleńnia MNS Rusłan Lichamanaŭ, najbolš vierahodnaj pryčynaj uzharańnia na składzie MZVT stała praviadzieńnie zvaračnych rabot u susiednim cechu. Adnak razhladajucca i inšyja viersii ŭźniknieńnia pažaru.
Stvorana hrupa pa akazańni psichałahičnaj i inšaj dapamohi paciarpiełym. «U adpaviednaści z zakanadaŭstvam ratavalniki prachodziać abaviazkovaje strachavańnie, ale im budzie akazana i inšaja materyjalnaja dapamoha», — skazaŭ Lichamanaŭ.
Kamientary