Apošni tydzień žniŭnia, z 24‑ha pa 30-je, pryniasie biełarusam davoli ciopłaje nadvorje, a ŭ asobnyja dni tempieratura moža dasiahać +30 hradusaŭ. Pry hetym pačatak i kaniec tydnia buduć bolš niaŭstojlivymi — čakajucca daždžy i paryvisty viecier, paviedamiŭ u efiry telekanała ANT sinoptyk Dźmitryj Rabaŭ.
U paniadziełak, 24 žniŭnia, na nadvorje paŭpłyvaje atmaśfierny front z Bałtyki. Budzie vobłačna z prajaśnieńniami, u bolšaści rajonaŭ projduć karotkačasovyja daždžy. Unačy tempieratura składzie +9…+12 hradusaŭ, udzień — ad +16 na paŭnočnym zachadzie i poŭnačy da +23 na poŭdni.
U aŭtorak, 25 žniŭnia, karotkačasovyja daždžy čakajucca ŭ Viciebskaj vobłaści, miescami mahčymyja navalnicy. Nočču budzie +8…+12, dniom — ad +16 u Viciebskaj vobłaści da +25 u Homielskaj.
U sieradu, 26 žniŭnia, istotnych apadkaŭ nie prahnazujecca. Viecier časam budzie paryvisty. Unačy tempieratura apuścicca da +8…+13, a ŭdzień pavysicca da +19 na poŭnačy i +25 na poŭdni.
U čaćvier, 27 žniŭnia, u bolšaści rehijonaŭ budzie sucha. Nočču čakajecca +8…+13, dniom — ad +20 u Viciebskaj vobłaści da +27 u Bresckaj.
U piatnicu, 28 žniŭnia, istotnych daždžoŭ taksama nie čakajecca, ale viecier miescami budzie paryvisty. Pavietra jašče bolš prahrejecca: nočču budzie +9…+14, a ŭdzień — ad +22 na paŭnočnym uschodzie da +25…+30 na zachadzie i paŭdniovym zachadzie krainy.
U subotu, 29 žniŭnia, zachavajecca pieramiennaja vobłačnaść i pieravažna suchoje nadvorje. Karotkačasovyja daždžy mahčymyja ŭdzień u Bresckaj i Hrodzienskaj abłaściach. Nočču tempieratura składzie +9…+14, dniom — ad +24 na ŭschodzie da +30 u Bresckaj vobłaści.
A voś u niadzielu, 30 žniŭnia, nadvorje pačnie mianiacca ŭ bok vosieni. Atmaśfierny front pryniasie daždžy, miescami mocnyja, mahčymyja navalnicy. Viecier budzie paryvisty. Unačy čakajecca +10…+15, udzień — +19…+23, a ŭ Homielskaj i Mahiloŭskaj abłaściach — da +27 hradusaŭ.
Kamientary