Dziaŭčyna mocna apiakłasia padčas adpačynku, ale chutkaja da jaje nie pajechała. Čamu?
Padčas adpačynku na minskaj Cniancy vadkaść dla raspalvańnia manhała vypadkova trapiła dziaŭčynie na nohi i zaharełasia. Jana atrymała apiokavuju traŭmu. Siabroŭka paciarpiełaj, a paźniej i sama dziaŭčyna źviarnulisia ŭ chutkuju dapamohu. Ale paśla razmovy z dyśpietčaram bryhada da jaje nie pryjechała, tamu dziaŭčyna musiła samastojna dabiracca na taksi ŭ Balnicu chutkaj miedycynskaj dapamohi, dzie joj akazali nieabchodnuju dapamohu. U vyniku ŭ situacyi raźbirałasia miedycynskaje načalstva.
U Kamitecie pa achovie zdaroŭja Minharvykankama paviedamili, što dziakujučy sistemie aŭtamatyčnaha zapisu zvankoŭ udałosia adnavić chranałohiju padziej.
Pieršy zvanok pastupiŭ 16 žniŭnia ŭ 18:39. Dyśpietčarcy paviedamili, što na Cnianskim vadaschoviščy dziaŭčyna atrymała apiok i ŭ jaje mocna abhareli nohi. U adkaz fielčarka paraiła pryniać supraćalerhičny preparat i nanieści na skuru pantenoł.
Praz try chviliny pastupiŭ paŭtorny zvanok. Na pytańnie, ci moža chutkaja dapamoha niešta zrabić i čamu jana admoviłasia ad pryjezdu, fielčarka adkazała, što chutkaja nie vyjazdžaje na soniečnyja apioki. Paśla hetaha dziaŭčyna spytała, dzie znachodzicca apiokavaje adździaleńnie. Dyśpietčarka źbirałasia złučyć jaje z adździełam špitalizacyi, ale zvanok byŭ pierarvany da złučeńnia.
Padčas pravierki supracoŭnica słužby patłumačyła, što ŭspryniała zvarot jak prośbu ab dapamozie pry soniečnym apioku. Pry hetym zajaŭnica nie ŭdakładniła, što traŭma była atrymanaja ŭ vyniku ŭzharańnia vadkaści dla raspalvańnia.
Adnak u słužbie chutkaj dapamohi pryznali i pamyłku z boku śpiecyjalista: dyśpietčarka nie ŭdakładniła abstaviny atrymańnia apioku, što ŭ vyniku pryviało da niapravilnaj acenki situacyi.
Pa vynikach razboru infarmacyju pra vypadak daviali da ŭsich supracoŭnikaŭ, jakija prymajuć vykliki. Akramia taho, byŭ dapoŭnieny ałharytm apytańnia pa pryčynie zvarotu «apiok», kab u budučyni dyśpietčary abaviazkova ŭdakładniali, čym i pry jakich abstavinach čałaviek atrymaŭ traŭmu.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary
Zabavno było v kovid, kohda bolnym riekomiendovali jechať obŝiestviennom transportie...
Dyśpietčar - nie doktar.