Biełaruś asudžaje užyćcio siły Izrailem pry pierachopie humanitarnaha hruzu dla Hazy
Biełaruś vykazvaje hłybokuju zaniepakojenaść u suviazi ź incydentam pa pierachopie humanitarnaha karavana dla siektara Haza ŭzbrojenymi siłami Izraila. Pra heta havorycca ŭ raspaŭsiudžanym 1 červienia kamientary pres‑sakratara MZS Biełarusi Andreja Savinych.
U dakumiencie taksama padkreślivajecca, što Biełaruś asudžaje prymianieńnie siły, jakoje pryviało da nieapraŭdanych achviar siarod hramadzianskich asob. «My razhladajem dziejańni izrailskaha boku jak hrubaje parušeńnie mižnarodnych pravavych norm. Vykazvajem hłybokija spačuvańni rodnym i blizkim zahinułych i zajaŭlajem ab nieabchodnaści ŭsiebakovaha i abjektyŭnaha rasśledavańnia zdareńnia», — padkreśliŭ Savinych.
Biełaruś zaklikaje ŭsich udzielnikaŭ pracesu blizkaŭschodniaha ŭrehulavańnia zrabić usie mahčymyja kroki dla papiaredžańnia dalejšaj eskałacyi napružanaści i adnaŭleńnia paŭnacennaha mirnaha pracesu, uklučajučy admienu błakady siektara Haza, adznačajecca ŭ kamientary pres‑sakratara.
Jak paviedamlajuć zamiežnyja ŚMI, u noč na 31 maja niepadalok ad uźbiarežža Izraila izrailski śpiecnaz pierachapiŭ fłatyliju z humanitarnym hruzam, jakaja nakiroŭvałasia ŭ siektar Haza nasupierak zabaronie izrailskich uładaŭ. Pavodle nieaficyjnych źviestak, padčas śpiecapieracyi zahinuli 19 čałaviek. Izrailski bok pakul paćviardžaje fakt hibieli dzieviaci čałaviek.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary