Biełhidramiet papiaredžvaje, što ŭ Biełaruś u najbližejšyja dni pryjdzie rezkaje pachaładańnie z-za tak zvanych «nyrajučych» cykłonaŭ, jakija farmirujucca nad rajonami Hrenłandskaha i Narviežskaha moraŭ.
Hetyja cykłony ruchajucca pa niezvyčajnaj trajektoryi — z paŭnočnaha zachadu na paŭdniovy ŭschod — i chutka prynosiać chałodnaje pavietra z paŭnočnych šyrot. U vyniku ŭžo ŭ čaćvier, 23 krasavika, u mnohich rajonach krainy čakajucca daždžy i mokry śnieh.
Tempieratura pačnie prykmietna źnižacca:
- unačy: ad +1 da +7;
- dniom: ad +6 da +15 u zaležnaści ad rehijona.
Adnačasova ŭzmocnicca viecier — paryvy buduć dasiahać 15—20 m/s, a ŭ asobnyja dni navat da 22 m/s.
U piatnicu, 24 krasavika, stanie jašče chaładniej: unačy mahčymyja zamarazki da -3, dniom tempieratura zastaniecca ŭ miežach +7…+14. U subotu i niadzielu nadvorje zastaniecca niaŭstojlivym — daždžy, mokry śnieh, mocny viecier i dalejšaje panižeńnie tempieratur.
Da kanca tydnia i pačatku nastupnaha pieryjadu:
- unačy tempieratura moža apuskacca da -4,
- dniom nie budzie vyšej za +11.
Sinoptyki padkreślivajuć, što viasna časova adstupaje, a ŭ krainie ŭstanovicca chałodnaje, vietranaje i vilhotnaje nadvorje z prykmietami poźniaj zimy.
Kamientary