«Chočam bačyć dobruju volu i ź inšaha boku». Premjerka Litvy skazała, kali palepšacca adnosiny ź Biełaruśsiu
Premjer-ministarka Litvy Inha Ruhinienie zajaviła, što jaje kraina nie mianiaje svaju pazicyju adnosna adnosin ź Biełaruśsiu, a palapšeńnie adnosin mahčymaje tolki pry najaŭnaści «dobraj voli» ź biełaruskaha boku, piša LRT.
«My nie mianiajem pazicyju, i pazicyja ŭrada vyraznaja. My hatovyja [da dyjałohu ź Biełaruśsiu], prosta chočam bačyć dobruju volu i ź inšaha boku», — skazała Inha Ruhinienie žurnalistam 22 krasavika.
Pry hetym jana padkreśliła, što havorka nie idzie pra adnaŭleńnie dobrych adnosin ci šyrokaha palityčnaha dyjałohu, jakija isnavali niekali. Mahčymyja tolki abmiežavanyja i techničnyja kantakty, jak heta robiać inšyja krainy.
Pavodle słoŭ Inhi Ruhinienie, dla hetaha Biełaruś pavinna vykanać šerah umoŭ. Siarod ich — vyrašeńnie prablem z kantrabandnymi šarami, nielehalnaj mihracyjaj i zatrymanymi ŭ Biełarusi hruzavikami.
«Heta zdajecca prostymi štodzionnymi ŭmovami, tym bolš, što jany ŭźnikli praź dziejańni Biełarusi. Mnie zdajecca, što paśla ich vykanańnia sapraŭdy možna budzie kazać pra peŭnuju sustreču dla abmienu infarmacyjaj», — adznačyła premjer.
Pakul ža hetyja pytańni nie vyrašanyja, Litva nie bačyć padstaŭ dla narmalizacyi adnosin. U toj ža čas u Vilni dapuskajuć mahčymaść dyjałohu na nižejšym uzroŭni — vyklučna dla abmienu infarmacyjaj, jak raniej paviedamiŭ hałoŭny daradca prezidenta Litvy pa pytańniach nacyjanalnaj biaśpieki Dejvidas Matulonis.
Raniej padobnuju pazicyju ahučvaŭ i sam prezident Litvy Hitanas Naŭsieda, jaki taksama źviazvaje lubyja zruchi ŭ dyjałohu z kankretnymi krokami Minska.
Studenty EHU bajacca viartacca dadomu
Litoviec, jaki špijoniŭ na karyść režymu Łukašenki, padaŭ u sud na prezidenta Litvy, bo jaho nie abmianiali na biełaruskich palitviaźniaŭ
MZS Biełarusi «pakul nie bačyć hatoŭnaści litoŭskaha boku da surjoznaj razmovy»
Ruhinienie: Dla pieramoŭ ź Biełaruśsiu ŭžo navat pryznačany čałaviek
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary