Biełaruski i ich kavalery druhi hod zapar ratujuć ekanomiku «Miłavicy», pakul ruskija i jeŭrapiejcy kuplajuć usio mienš
Mnohija hetaha nie viedajuć, ale znakamitaja «Miłavica» naležyć estonskaj kampanii Silvano Fashion Group. Estoncy apublikavali hadavuju spravazdačnaść za 2025 hod, ź jaje vynikaje, što absalutna va ŭsich inšych krainach stali kuplać mienš bializny «Miłavicy», i tolki sami biełarusy nie mohuć namiłavacca.
Estonskaja Silvano Fashion Group — akcyjanier piaci biełaruskich kampanij. Heta «Miłavica» (u estoncaŭ tut 85,02%), šviejnaja firma «Junona» (58,33%), imparcior tkaniny «Himil» (100%), roźnična-aptovaja kampanija «Silvana Fešn» (100%), łahistyčnaje pradpryjemstva «Bałtśpied łahistyk» (50%).
Tut ža, u Biełarusi, znachodzicca 66% usich fizičnych aktyvaŭ hrupy — 9,4 miljona jeŭra z 14,2 miljona jeŭra nieabarotnych aktyvaŭ (budynki, abstalavańnie, vytvorčyja linii).
Na kaniec 2025 hoda hrupa mieła ŭ Biełarusi 65 ułasnych kram pad brendam «Miłavica» — za hod adkryli try novyja.
«Miłavica» tak i nie stała topavym jeŭrapiejskim hulcom nižniaj bializny, chacia jaŭna da hetaha imknułasia. Represii i vajna abmiežavali rekłamnyja mahčymaści ŭ krainach Jeŭrasajuza — roźničnyja sietki ŭ susiednich krainach spynili brać biełaruskuju pradukcyju z maralna-palityčnych mierkavańniaŭ, a ŭkrainski rynak u pryncypie zakryŭsia dla tavaraŭ made in Belarus.
Rost spažyvańnia ŭ Rasii taksama zapavoliŭsia, i vyručka Silvano Fashion Group padaje. U 2025 hodzie kampanija zhienieravała 55,4 miljona jeŭra ŭ paraŭnańni ź letašnimi 58 miljonami jeŭra.
Ź ich 30,8 miljona jeŭra zhienieravana ŭ Rasii, a 17,3 miljona jeŭra — u Biełarusi. Dola Biełarusi ŭ dachodzie hrupy štohod raście, i ŭ 2025 dasiahnuła rekordnych 31,3%.
U hety ž čas usie astatnija rynki skaračajucca: Rasija skaraciłasia na 9,3% (jaje dola ŭ ahulnaj vyručcy ciapier 55,5%), inšyja rynki (u asnoŭnym — postsavieckija) na 11,4%, Bałtyja — na 5,6%. Ciapier z bałtyjskich krain prychodzić tolki śmiešnyja 1,2 miljona jeŭra vyručki na hod.
Pa sutnaści ŭžo druhi hod zapar Biełaruś stała asnoŭnym drajvieram rostu prodažaŭ hrupy.
Ale padkreślenaja łajalnaść biełaruskich spažyŭcoŭ nie ratuje ahulnaj finansavaj karciny — čysty prybytak hrupy pa vynikach hodu kruta źniziŭsia da 10 miljonaŭ jeŭra (13,6 miljona jeŭra było ŭ 2024).
Kamientary
Vy choć u kursie, što Rasija - heta FIEDERACYJA?
...
U Rasii pražyvaje bolš za 190 narodaŭ i narodnaściaŭ (pa dadzienych pierapisu 2020 h. - 195), bolšaść ź jakich składajuć słavianie (pierš za ŭsio ruskija), ciurkskija, kaŭkazskija i fina-vuhorskija narody. Ruskija źjaŭlajucca samaj šmatlikaj hrupaj (bolš za 70-80% nasielnictva).
+
Samyja šmatlikija narody (zhodna z Usierasijskim pierapisam):
Ruskija (kala 105,5 młn, >70% ci >80% u roznych acenkach)
Tatary (kala 4,7 młn)
Čačency (bolš za 1,6 młn)
Baškiry (bolš za 1,5 młn)
Čuvašy (bolš za 1 młn)
Avarcy (bolš za 1 młn)
+
Inšyja bujnyja narody Rasii:
Ciurkskija: Baškiry, Čuvašy, Kazachi, Azierbajdžancy, Jakuty, Kumyki, Tuvincy, Karačajeŭcy, Bałkarcy.
Kaŭkazskija: Avarcy, Čačency, Armianie, Darhincy, Lazhiny, Kabardzincy, Inhušy.
Fina-vuhorskija: Mardva (mokša, erzia), Komi, Udmurty, Maryjcy, Kareły.
Słavianskija: Ruskija, Ukraincy, Biełarusy.
Manholskija: Buraty, Kałmyki.
+
Małalikija narody (prykłady):
Poŭnačy i Dalokaha Uschodu: Aleŭty, Daŭhany, Ižorcy, Viepsy, Vodź, Niŭchi, Eskimosy, Čukčy, Evienki, Evieny.
Inšyja: Biesiermianie, Rutulcy, Andyjcy, Kubačyncy
[Zredahavana]