U Połacku pasažyrka zahinuła, vychodziačy z aŭtobusa. Kiroŭcu vynieśli prysud
U Połacku sud vynies prysud 61‑hadovamu kiroŭcu aŭtobusa, jakoha pryznali vinavatym u śmierci pasažyrki paśla darožnaha zdareńnia, paviedamlaje pres-słužba Hienieralnaj prakuratury.

Trahiedyja adbyłasia padčas vykanańnia haradskoha maršrutu. Pavodle materyjałaŭ suda, kiroŭca spyniŭsia dla pasadki i vysadki ludziej, ale nie pierakanaŭsia, što adna z pasažyrak całkam vyjšła z sałona, i pačaŭ začyniać dźviery.
U vyniku 93‑hadovaja žančyna straciła raŭnavahu i ŭpała na darohu. Niahledziačy na toje, što jana znachodziłasia pobač z aŭtobusam i jaje možna było zaŭvažyć, kiroŭca praciahnuŭ ruch dalej i najechaŭ na jaje.
Ad atrymanych ciažkich traŭm piensijanierka zahinuła na miescy.
Sud pryznaŭ mužčynu vinavatym u parušeńni pravił darožnaha ruchu, jakoje pa nieaściarožnaści pryviało da śmierci čałavieka. Jamu pryznačyli 1 hod i 6 miesiacaŭ pazbaŭleńnia voli ŭ kałonii-pasialeńni, a taksama zabaranili kiravać transpartam na praciahu piaci hadoŭ.
Kamientary