Rasijski Z-błohier Ramiasło vyjšaŭ ź psichbalnicy i znoŭ apałčyŭsia na Pucina
Rasijski Z-błohier Ilja Ramiasło, jaki raniej padtrymlivaŭ uładu i viadomy šmatlikimi danosami na apanientaŭ Kramla, paśla vychadu z psichijatryčnaj kliniki zrabiŭ novyja rezkija zajavy suprać Uładzimira Pucina, piša The Moscow Times.
U intervju Ksienii Sabčak Ilja Ramiasło skazaŭ, što hałoŭnaja pryčyna prablem u Rasii — nie asobnyja čynoŭniki ci struktury, a čałaviek na viaršyni ŭłady, jaki kiruje ŭsioj sistemaj. Pavodle jaho słoŭ, havorka idzie pra Pucina. Jon śćviardžaje, što mnohija heta razumiejuć, ale bajacca adkryta skazać.
Taksama Ramiasło zajaviŭ, što nie škaduje pra svaje papiarednija vykazvańni i maje namier praciahvać dziejnaść u tym ža kirunku. Jon navat nazvaŭ siabie kiraŭnikom apazicyjnaha ruchu Rasii.
Pavodle jaho słoŭ, zmahacca treba nie tolki z asobaj Pucina, a i z «pucinizmam» jak sistemaj kiravańnia. Jon taksama vykazaŭ mierkavańnie, što ŭ krainie mahčymy cichi pałacavy pieravarot, jaki moža ŭznačalić premjer-ministr Michaił Mišuścin.
Błohier skazaŭ, što staŭ krytyčna stavicca da Pucina paśla miaciažu Jaŭhienija Pryhožyna ŭ 2023 hodzie. Usie svaje paźniejšyja pachvalnyja pasty na adras prezidenta jon ciapier nazyvaje ironijaj, choć vyrazna patłumačyć heta nie zmoh.
Pra špitalizacyju Ramiasło paviedamiŭ, što jaho zabrała chutkaja dapamoha ŭ supravadžeńni palicyi. Jon śćviardžaje, što prymusovaha lačeńnia nie było, a jamu davali tolki lohkija preparaty ad biessani. U klinicy jon pravioŭ try dni.
Illa Ramiasło staŭ viadomy jašče da vajny va Ukrainie svajoj baraćboj suprać Alaksieja Navalnaha. U intervju jon taksama zajaviŭ, što škaduje pra śmierć Navalnaha ŭ turmie i adčuvaje vinu za svaju rolu ŭ pieraśledzie apazicyjaniera.
Z-błohiera, jaki niečakana zaklikaŭ addać Pucina pad sud, adpravili ŭ psichbalnicu
Z-błohier niečakana nazvaŭ Pucina nielehitymnym i zaklikaŭ addać jaho pad sud
Z-błohier «Vajavoda viaščaje» sa 170 tysiačami padpisčykaŭ paabiacaŭ skončyć žyćcio samahubstvam. Ale, zdajecca, vyžyŭ
Na froncie zahinuŭ rasijski Z-błohier Vieles z 50 tysiačami padpisčykaŭ
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj11
Kamientary
Nužno čtoby ukraincy uskorili eti prociessy na bołotach - bili čaŝie i bolšie po npz, zavodach, čtoby na rf vsie kołom stało, čtoby opiať byli očieriedi i tałony, vot tohda možiet vańki i pojdut na krieml, kak kohda to Jelcin rastierivał dumu iz tankov, hdie zabarrikadirovaliś putčisty - v osnovie hebisty i jaryje sovki. Kotoryje s prichodom putina opiať viernuli siebie vłasť.