Cichanoŭskaja zaklikała Estoniju pravodzić roźnicu pamiž biełarusami i rasijanami
Śviatłana Cichanoŭskaja padčas sustrečy sa śpikieram parłamienta Estonii Łaŭry Chusaram zaklikała hetu krainu źmiakčyć abmiežavalnyja miery ŭ dačynieńni da biełarusaŭ, jakija nie padtrymlivajuć režym Alaksandra Łukašenki.
Sustreča adbyłasia ŭ Charvatyi na palach samitu «Inicyjatyvy troch moraŭ». Pavodle paviedamleńnia pres-słužby Cichanoŭskaj, padčas jaje jana
«padkreśliła važnaść taho, kab u zakanadaŭčych inicyjatyvach vyrazna adroźnivali biełarusaŭ ad rasijan — u tym liku ŭ pytańniach majomasnych abmiežavańniaŭ, — i kab miery nie zakranali biełarusaŭ, jakija nie padtrymlivajuć režym, pry hetym zachoŭvajučy i ŭzmacniajučy cisk suprać režymu».
Taksama Śviatłana Cichanoŭskaja zaprasiła estonskaha śpikiera naviedać Misiju demakratyčnych sił Biełarusi ŭ Talinie.
Pierad hetym u Estonii ažyviłasia abmierkavańnie mahčymych papravak u zakanadaŭstva, jakija mohuć uvieści abmiežavańni na nabyćcio nieruchomaści dla hramadzian Biełarusi i Rasii biez pastajannaha dazvołu na žycharstva, a taksama dla kampanij i asob, źviazanych z hetymi krainami.
Estonskija palityki mocna raskrytykavali Zialenskaha: zapałochvajučy krainy Bałtyi, toj nie dabjecca pośpiechu
Krainy Bałtyi znoŭ nie puściać Robierta Fica na parad u Maskvu praz svaju terytoryju
Cichanoŭskaja abmierkavała z Naŭsiedam prablemy EHU i vyzvaleńnia palitźniavolenych
Cichanoŭskaja pra Pačobuta: Jahonaja stojkaść, hodnaść i niepachisnaść stali prykładam dla nas usich
Kamientary