Vaśminoh Paŭl znoŭ nie pamyliŭsia. Ispanija pieramahła Hiermaniju.
Pierad druhim paŭfinałam pamiž zbornymi Hiermanii i Ispanii bolš razmovaŭ było pra prahnoz vaśminoha Paŭla, čym pra samu hulniu. Haduniec akijanaryumu Abierchaŭziena dakładna pradkazvaje vyniki ŭsich matčaŭ niamieckaj družyny.
Pracedura pradkazańniaŭ nastupnaja: Paŭlu źmiaščajuć dva akvaryuma ź ježaj. Na adnym namalavany ściah Hiermanii, na inšym — supiernika. Ź jakoha vaśminoh vyrašaje pajeści, toj i pieramahaje. Pierad matčam ź piryniejcami Paŭl pradkazaŭ pieramohu ispancam. I nie pamyliŭsia ŭ čarhovy raz.
U niemcaŭ u asnoŭnym składzie nie vyjšaŭ ichni lider Tomas Miuler, jon dyskvalifikavany za dva papiaredžańnia. Napeŭna, heta taksama zrabiła niejki adbitak na hulni.
Za ŭsiu hulniu niemcy stvaryli ŭsiaho adzin niakiepski momant, kab razmačyć Kasiljasa. Ale Kroos u druhim tajmie nie zmoh pierachitryć bramnika.
Abarona ispancaŭ była žalezabietonnaj, prarvacca praź jaje było spravaj amal nierealnaj. A kali ŭ pieršym tajmie ŭ kamandy del Boskie nie asabliva ładziłasia napieradzie, to ŭ tajmie druhim namahańniami Vilji i kampanii pajšło značna paviesialej.
Hoł naśpiavaŭ. I na 73‑iaj chvilinie ŭsio ž adbyŭsia. Jaho aŭtaram staŭ Pujol, jaki hałavoj zamknuŭ padaču z vuhłavoha.
Ispancy pieramahli zasłužana. Ciapier jany ŭ niadzielu 11 lipienia sustrenucca z Hałandyjaj (pačatak 21:30). A za dzień da ich u matčy za treciaje miescy syducca Hiermanija i Uruhvaj.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka1
Kamientary