Novaja spadarožnica Łukašenki Alija Karotkaja źjaviłasia na konkursie ŭ čorna-biełym pałasatym kamplekcie. Ubor stvaryła jaje mama — dyzajnierka i zasnavalnica brenda Kiali. U kamientarach žartujuć pra turmu i patrabujuć svabodu ziebram.
Biełaruska ŭdzielničaje ŭ konkursie «Mis Suśviet», jaki ciapier prachodzić u Puerta-Ryka. Pieramožcu nazavuć 24 listapada, ale adzin z vobrazaŭ Karotkaj užo vyklikaŭ abmierkavańnie ŭ sacsietkach.
«Siońnia ja ŭ vobrazie, jaki stvaryła maja mama. A taksama 99% vobrazaŭ, pradstaŭlenych mnoj na konkursie, — heta tyja, jakija stvaryła maja mama! Adčuvaju, što jaje vobrazy pryniasuć mnie ŭdaču», — napisała Karotkaja ŭ instahramie.
Ale kamientatary nie acanili mamin kaścium:
«Svabodu ziebram u Afrycy!»
«U duchu Bitłdžusa».
«Heta kaścium dla Chełaŭina».
«Jak byccam tolki što vyjšła z turmy», — pišuć jany.
Asobnuju ŭvahu pryciahnuła šapačka: jaje taksama paraŭnali z hałaŭnym uboram źniavolenych. «Mis papraŭlenčaja ŭstanova», — nazvali Karotkuju.
Mama Alii — dyzajnierka Dyjana Karotkaja. U 2025 hodzie jana stvaryła brend Kiali.
U maminym adzieńni Alija źjaŭlałasia i na mierapryjemstvach z udziełam Łukašenki — jana ŭvachodzić u koła dziaŭčat, jakija supravadžajuć jaho. Karotkaja rehularna źjaŭlajecca na pryjomach i bałach Łukašenki, padtrymlivaje jaho chakiejnuju kamandu.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta99
Kamientary