Vielizarnyja čarody špakoŭ, jakija prylacieli ŭ Rym na zimoŭku, pakryvajuć pamiotam vulicy, chodniki i aŭtamabili. Žychary chavajucca pad parasonami, nakryvajuć plonkaj bializnu i pierastaŭlajuć mašyny dalej ad dreŭ.
Kožny viečar kala 17‑j hadziny ŭ rymskim rajonie Praci-Fiskali pačynajecca honka za biaśpiečnaj parkoŭkaj. Špaki źlatajucca na drevy i anteny, dzie pravodziać noč. Pakinutaja pad imi mašyna da ranicy akazvajecca całkam pakrytaja pamiotam.
Kab schadzić u supiermarkiet, ludzi vybirajuć daŭžejšy maršrut abo raskryvajuć parason. Jon patrebny i na prahułcy z sabakam.
Akramia smurodu i ahłušalnaha ptušynaha šumu, jość jašče adna niebiaśpieka: pakrytyja pamiotam chodniki stanoviacca ślizkimi. Na aŭtamyjkach za ačystku takich mašyn prosiać bolš hrošaj.
Kab adahnać špakoŭ, z voknaŭ hrukajuć kastrulami, dźmuć u dudki i navat hrajuć na flejtach.
Arnitołah Frančeska Barbieryni tłumačyć Fanpage: u Rymie zimuje bolš za čatyry miljony špakoŭ. Horad pryvablivaje ich ciapłom, schoviščami i davoli nievialikaj kolkaściu drapiežnikaŭ. Dniom jany mohuć karmicca ŭ navakolnaj sielskaj miascovaści, a ŭviečary viartajucca na supolny načleh.
Śpiecyjalist raić nakryvać mašyny čachłami: kisły ptušyny pamiot moža paškodzić farbu.
Ułady sprabujuć pieranakiravać čarody ŭ zialonyja zony z dapamohaj zapisaŭ tryvožnych ptušynych krykaŭ i śviatła, nakiravanaha na krony. Ale, pavodle žycharoŭ, špaki adlatajuć, a potym viartajucca.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta88
Kamientary