Adboračny matč da čempijanata Eŭropy-2008 pamiž zbornymi Biełarusi i Rumynii skončyŭsia dosyć prahnazavana – 3:1 pieramahli naščadki kniazia Ŭłada Cepieša. Užo na dziasiataj chvilinie hulni biełarusy biez varyjantaŭ «hareli». Raschlabanaściu biełaruskaha bramnika Ŭładzimiera Hajeva i abaroncaŭ skarystalisia Mutu i Maryka.
Adboračny matč da čempijanata Eŭropy-2008 pamiž zbornymi Biełarusi i Rumynii skončyŭsia dosyć prahnazavana – 3:1 pieramahli naščadki kniazia Ŭłada Cepieša. Užo na dziasiataj chvilinie hulni biełarusy biez varyjantaŭ «hareli». Raschlabanaściu biełaruskaha bramnika Ŭładzimiera Hajeva i abaroncaŭ skarystalisia Mutu i Maryka.
Na samym finišy pieršaj pałovy hulni starańniami Siarhieja Karnilenki našy hulcy adyhrali adzin hoł. Zaciepliŭsia pramieńčyk nadziei. I biełarusy mieli šmat momantaŭ, kab paraŭniać lik. Čaho byŭ tolki varty vychad sam-nasam z rumynskim bramnikam usio taho ž Siarhieja Karnilenki. Forvard pasknarničaŭ na pieradaču i zaparoŭ momant, za što atrymaŭ značny nahaniaj ad Viačasłava Hleba. Na apošnich chvilinach hulni rumyny skarystali jašče adzin momant – paśla padačy z vuhła pola miač udała znajšoŭ hałavu Hojana.
Hałoŭny trener zbornaj Jury Puntus nazvaŭ adnoj z pryčynaŭ projhryšaŭ biełaruskaj zbornaj – niaviedańnie jaje hulcami nacyjanalnaha himnu. Ciapier Puntus voźmie pad svoj kantrol, kab kožny hulec zbornaj viedaŭ himn.
Matč Rumynija – Biełaruś taksama zapomnicca kalaspartovymi padziejami na stadyjonie «Ściaŭa». Dziasiatki biełaruskich zaŭziataraŭ napačatku hulni byli pasadžanyja ŭ aŭtobusy i vyviezienyja za miežy Bucharestu. Heta adbyłosia paśla taho, jak u biełaruskim sektary pačalisia bojki. Ciažka dać adnaznačny adkaz, chto byŭ ichnim inicyjataram. Haračyja ad vypitych śpirtnych napojaŭ biełarusy ci rumynskija fanaty. Biełaruskaja ambasada ŭ Buchareście zapeŭnivaje, što vinavatyja haspadary stadyjonu. Tady stanovicca dziŭnym, ź jakoj pryčyny biełarusaŭ vyvieźli ŭ les.
Nichto z našych suajčyńnikaŭ nia byŭ zatrymany, kažuć u pasolstvie. Cikava, ci źbirajucca biełarusy padavać niejkija skarhi ŭ sud z pryčyny taho, što nie zmahli pahladzieć matč, za jaki zapłacili hrošy, i chto budzie ŭ roli adkaźnika.
Tym časam rumyny vyrašyli da nastupnaha matču źmianić stadyjon. Luksemburžcaŭ jany prymuć u Cimišaare, bo hulcy rumynskaj kamandy nieadnarazova čuli haniebnyja vykryki ad fanataŭ u ichni bok.
Astatnija matčy našaj hrupy skončylisia nastupnym čynam: Słavienija – Luksemburh 2:0, Baŭharyja – Halandyja 1:1.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary