Na dumku Jaaka Lensmienta, žychary Estonii i Biełarusi pa-roznamu razumiejuć ščaście.
Na dumku Jaaka Lensmienta, jaki staŭ u paniadziełak nadzvyčajnym i paŭnamocnym pasłom Estonii ŭ Respublicy Biełaruś, žychary Estonii i Biełarusipa-roznamu razumiejuć ščaście.
«My tut bolš cenim materyjalny dastatak. A ludziam u Biełarusi važnaja spraviadlivaść,
a nie svaboda zarablać stolki, kolki rozum dazvalaje. Ja dumaju, što ŭ ludziej u Biełarusi jość svaje padstavy adčuvać siabie ščaślivymi. My ŭ Estonii chočam, kab dziaržava jak maha mienš umiešvałasia ŭ naša žyćcio, a ŭ Biełarusi, mnie tak zdajecca, ličać, što dziaržava pavinna prajaŭlać kłopat i niepasredna ŭdzielničać u žyćci ludziej. I dziaržava tak i pastupaje, jana bolš sacyjalna skiravanaja», — skazaŭ Lensmient u ekskluziŭnym intervju štotydnioviku «Dień za Dniom».
Na dumku dypłamata, Alaksandra Łukašenku rana śpisvać z rachunkaŭ. «Prezident Łukašenka bolš za 15 hadoŭ va ŭładzie, i toj, chto śmiajecca nad im, dastatkova naiŭny.
U90-ja hady ŭ Biełarusi taksama byŭ Narodny front, ale ludzi nie pajšli za im. Jany pajšli za Łukašenkam, bo jon sapraŭdy zrazumieŭ, čaho chočuć biełarusy.
Pieršaje, što jon prapanavaŭ, była baraćba z karupcyjaj», — adznačyŭ Lensmient.
Pavodle jaho słoŭ, u Biełarusi šokavy pierachod da rynkavaj ekanomiki pavodle estonskaha scenara byŭ by niemahčymy.
«Tam jość takija pradpryjemstvy, jakija ciažka pryvatyzavać. Minski traktarny zavod, naprykład. Na im 25 000 rabočych. U nas maštaby našmat mienšyja i takich bujnych pradpryjemstvaŭ nie było.
Biełaruskaja ekanomika maje vostruju patrebu ŭ inavacyi, ale ja nie mahu nazyvać jaje zakrytaj», — skazaŭ pasoł.
Lensmient skazaŭ taksama, što ŭ postsaviecki pieryjad biełarusy i estoncy vypali z pola zroku adzin adnaho, adnak z adkryćciom pasolstva [raniej było konsulstva] jość usie mahčymaści adradzić uzajemnuju cikavaść.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ65
Kamientary