Bo nie atrymaŭ nijakich «pazityŭnych sihnałaŭ» ad ułady.
Bo nie atrymaŭ nijakich «pazityŭnych sihnałaŭ» ad ułady.
18 krasavika na dvaccaty dzień haładoŭki błohier Dźmitry Hałko spyniŭ svaju akcyju. Pra heta jon napisaŭ u svaim błohu. «Siońnia, u jubilejny dvaccaty dzień haładoŭki, ja pryniaŭ rašeńnie jaje spynić. Niahledziačy na toje, što patrabavańni maje nie byli vykananyja navat častkova, nijakich “stanoŭčych sihnałaŭ” ad ułady ja nie atrymaŭ, a hramadska-palityčnaja situacyja za hety čas i zusim dajšła da ručki», — piša jon.
Nahadajem, što svaju akcyju błohier raspačaŭ 30 sakavika, patrabujučy vyzvaleńnia Mikity Lichavida, asudžanaha za ŭdzieł u padziejach 19 śniežnia. U časie haładoŭki jon napisaŭ u Minski haradski sud, u jakim musiła razhladacca kasacyjnaja skarha Lichavida.
Siarod kalehaŭ Budzimira pa błahaśfiery mierkavańni nakont efiektyŭnaści takoha adčajnaha kroku padzialilisia ad samaha pačatku. Byŭ stvorany admysłovy sajt, na jakim źbirałasia infarmacyja pa haładoŭku błohiera. Na 19-y dzień błohierka petra-leleka prapavała zładzić estafietnuju haładoŭku ŭ padtrymku Budzimira. «Haładoŭku treba zrabić ahulnaj, h.zn. estafietnaj. Heta dazvolić praciahvać jaje da taho času, pakul sapraŭdy nie budzie ŭ krainie vypuščany apošni palitźniavoleny. U rešcie rešt, siły voli pahaładać choć by adzin dzień chopić u kožnaha». Budzimir adhuknuŭsia na heta ŭ svaim dziońniku nastupnym čynam: «Jak srodak cisku na ŭładu, heta, viadoma, kuram na śmiech, ale ŭ jakaści padstavy dla nastupnaj infarmacyjnaj chvali, pry ŭmovie vialikaha liku udzielnikaŭ — moža być vielmi navat ničoha. Advažvajciesia. Nielha, kab pra palitviaźniaŭ zabyvali».
Kamientary