Nievyjaznaja sudździa Komar prysudziła jaho da 10 sutak aryštu.
Jak paviedamiŭ «Našaj Nivie» Valer Ščukin, pravaabaronca Pavieł Levinaŭ abjaviŭ haładoŭku. 20 krasavika sud Frunzienskaha rajona Minska pryznaŭ viciebskaha Levinava vinavatym pa art. 17.1 KaAP (drobnaje chulihanstva) i pakaraŭ jaho administracyjnym aryštam terminam na 10 sutak. Rašeńnie vyniesła nievyjaznaja sudździa Volha Komar.
Nahadajem, što 19 krasavika ŭ kvateru dački pravaabaroncy Valeryja Ščukina ŭ Minsku, dzie jon razam ź siabrami i svajakami adznačaŭ svoj dzień naradžeńnia, pryjšli supracoŭniki milicyi. Pravieryŭšy dakumienty ŭ prysutnych, jany pajšli, ale zatym viarnulisia i ŭsich zatrymali. Va UUS Frunzienskaha rajona było dastaŭlena 18 čałaviek. Ich apytali, u niekatorych uziali adbitki palcaŭ, a taksama sfatahrafavali. U dačynieńni da Volhi Karač, Paŭła Levinava, žurnalista Aleha Barščeŭskaha i Paŭła Stanieŭskaha byli składzieny administracyjnyja pratakoły.
20 krasavika sud Frunzienskaha rajona Minska pryznaŭ Aleha Barščeŭskaha vinavatym u niecenzurnaj łajancy i pakaraŭ jaho aryštam terminam na 10 sutak. Volha Karač taksama abvinavačvałasia ŭ niecenzurnaj łajancy i była aštrafavana na 20 bazavych vieličyń (700 tys. rubloŭ).
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary