Respublikanskaja Dziaržaŭtainśpiekcyja zaniepakojena situacyjaj z hibiellu dziaciej na darohach.
Jak paviedamili va ŭpraŭleńni DAI MUS, za try miesiacy 2011 hoda ŭ Biełarusi ŭ 89 darožna-transpartnych zdareńniach zahinuli piaciora dziaciej i 84 atrymali traŭmy roznaj stupieni ciažkaści. Z 89 dziaciej, jakija stali ŭdzielnikami DTZ, tolki 14 atrymali traŭmy pa svajoj nieaściarožnaści, astatnija paciarpieli i zahinuli pa vinie darosłych vadzicielaŭ. U krasaviku zahinuli jašče siamiora dziaciej, čaćviora ź ich byli pasažyrami, adzin — piešachod, adzin — viełasipiedyst, adzin — matacyklist.
«Baćki, sačycie za svaimi dziećmi, u vašych siłach praduchilić trahiedyju», — havorycca ŭ paviedamleńni UDAI MUS.
Dvoje dziaciej zahinuli 27 krasavika. U Vałožynie ŭ 14.35 14-hadovy vučań 9-ha kłasa, miascovy žychar, kirujučy matacykłam «Iž-Jupiter-4», nie majučy paśviedčańnia na prava kiravańnia, niapravilna vybraŭ chutkaść ruchu, nie ŭličyŭ darožnyja ŭmovy, asablivaści i stan transpartnaha srodku, nie spraviŭsia z kiravańniem i vyjechaŭ za miežy prajeznaj častki, dzie ŭrezaŭsia ŭ bietonnuju aharodžu mohiłak. Ad atrymanych traŭm padletak pamior na miescy zdareńnia. Jak paviedamiła maci, jon z ranicy ramantavaŭ matacykł u dvary. Kali vyjechaŭ u horad, nie zaŭvažyła.
U vioscy Janova Sieńnienskaha rajona ŭ 19.00 47-hadovy miascovy žychar, kirujučy aŭtamašynaj «HAZ-3507», na skryžavańni ŭčyniŭ najezd zadnim kołam na trochhadovaha chłopčyka, žychara Viciebska, jaki raptoŭna vyjechaŭ z druharadnaj darohi na viełasipiedzie. Dzicia ad atrymanych traŭm pamierła na miescy zdareńnia. Chłopčyk z mamaj pryjechali ŭ hości da ciotki.
Kamientary