Na sajcie catholic.by apublikavana prahrama mižnarodnaj kanfierencyi, pryśviečanaj pravasłaŭna-katalickamu dyjałohu, jakaja adbudziecca 13–15 listapada 2011 h.
Na hety raz udzielniki kanfierencyi buduć abamiarkoŭvać pytańnie «Pravasłaŭna-katalicki dyjałoh: chryścijanskija etyčnyja kaštoŭnaści jak układ u sacyjalnaje žyćcio Jeŭropy». Havorka, viadoma, pojdzie pierš-napierš pra takija kaštoŭnaści, jak čałaviečaje žyćcio i siamja. Niezdarma ž dakład mitrapalita Tadevuša Kandrusieviča maje zahałovak «Chryścijanie pierad abliččam vyklikaŭ postmadernisckaj ideałohii».
Kanfierencyja jak kanfierencyja, kali b nie toje, što jana adbyvajecca ź viedama (i, napeŭna, błasłavieńnia) Patryjarcha Maskoŭskaha i biskupa Ryma. Rasijski pravasłaŭny bok na hetaj kanfierencyi budzie ŭznačalvać ekzarch Fiłaret, a katalicki bok budzie pradstaŭlać staršynia Papskaj rady spryjańnia chryścijanskamu adzinstvu kardynał Kurt Koch.
Choć hetaje davoli pradstaŭničaje mierapryjemstva projdzie ŭ stalicy Biełarusi, biełaruskaj movie na joj miesca niama. Jak paviedamlena ŭ prahramie, rabočyja movy kanfierencyi – rasiejskaja, anhlijskaja i niamieckaja (apošniaja, musić, dziela zadavalnieńnia nacyjanalnych pačućciaŭ kardynała), a ŭ čatyroch siekcyjach i naahuł budzie hučać tolki adna — vialikaja i mahutnaja.
Cikava było b daviedacca, chto nie puściŭ našu movu na kanfierencyju – RPC ci RKC? Ci abiedźvie Carkvy ŭ dobraj zhodzie, tak skazać, dziela chryścijanskaha adzinstva?
Tut mižvoli ŭspomniš prykazku ŭkrainskich pravasłaŭnych aŭtakiefalistaŭ: Maskva nam nie mama, a Rym – nie tata. Mačacha dy ajčym. Musić, taja naša biełaruskaja dola.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary