Stefanovič: U spravie Bialackaha šmat dakumientaŭ, zdabytych niepracesualnym šlacham
4 listapada ŭ Minsku praciahvajecca sudovy praces nad pravaabaroncam Alesiem Bialackim. Napiaredadni byli dapytany śviedki, siońnia daśledujucca materyjały kryminalnaj spravy.
U pierapynku pasiadžeńnia chod pracesu prakamientavaŭ kaleha Bialackaha pravaabaronca Valancin Stefanovič: «Dokaznaja baza abvinavačańnia, mnie padajecca, dosyć słabaja. U materyjałach spravy šmat dakumientaŭ, jakija byli zdabytyja nie departamientam finansavych rasśledavańniaŭ (DFR), a Kamitetam dziaržaŭnaj biaśpieki, niepracesualnym šlacham. Heta fotakopii niejkich papieraŭ, niepierakładzienyja dakumienty, jakija byli źniaty niejkim čynam z kampjutara. Siarod dakumientaŭ DFR, ź jakimi pracavali padčas śledstva, šmat što nie pierakładziena naležnym čynam. Nu, i pakazańni ŭčorašnich śviedkaŭ — pradstaŭnikoŭ padatkovaj inśpiekcyi — taksama nie ŭpeŭnili mianie, što jość racyja ŭ śledstva, što padatak musiŭ być vypłačany z hetaj sumy».
Na dumku Stefanoviča, pra palityčny charaktar spravy śviedčać, naprykład, začytanyja infarmacyjnyja listy za podpisam staršyni KDB Zajcava kiraŭniku Kamiteta dziaržkantrolu. «Tam napisana kankretna, — havoryć pravaabaronca, — Aleś Bialacki, Valancin Stefanovič atrymlivali srodki na niezakonnuju dziejnaść u Respublicy Biełaruś i h.d. Heta jašče raz padkreślivaje palityčny charaktar hetaj spravy, i tamu rašeńnie suda tut budzie nie jurydyčnaje, a palityčnaje».
Pavodle słoŭ Stefanoviča, u siońniašniaj situacyi ŭ Biełarusi pravaabaroncy vymušany pracavać u takim napaŭpadpolnym stanoviščy. «Toje, što adbyłosia z Alesiem, — kaža jon, — heta praciah toj skiravanaj sistematyčnaj palityki ŭładaŭ u dačynieńni da hramadskich arhanizacyjaŭ. Sproby marhinalizacyi pravaabarončych arhanizacyj, vypichvańnie ich u nielehalnaje pole praz pazbaŭleńnie rehistracyi, admaŭleńnie ŭ rehistracyi. Z 2003 hoda ŭ Biełarusi nie zarehistravana nivodnaj pravaabarončaj arhanizacyi».
«Ja spadziajusia, što Aleś chutka budzie z nami, — havoryć Stefanovič. — Ale navat kali jaho izalujuć, naša dziejnaść budzie praciahvacca. Sproby ŭładaŭ źniščyć pravaabarončy centr «Viasna» pakul što nie mieli i nie buduć mieć pośpiechu».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy22
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary