Brytanski historyk z Harvardskaha univiersyteta zrabiŭ prahnoz na nastupnaje dziesiacihodździe.
Praź dziesiać hadoŭ zona jeŭra budzie pa-raniejšamu isnavać, i navat pavialičycca, tym časam ciapierašni Jeŭraźviaz raspadziecca, kab adradzicca ŭ inšym składzie i pad inšaj nazvaj – pradbačyć znany brytanski historyk z Harvardskaha univiersyteta Nił Fierhiusan.
U svaim artykule ŭ subotnim Wall Street Journal jon pradstaŭlaje, krychu paŭžartam, svajo bačańnie Jeŭropy ŭ 2021 hodzie. Jon piša, što
vynikam ciapierašniaha kryzisu zapazyčańniaŭ u zonie jeŭra budzie stvareńnie ŭ 2012 hodzie «Złučanych Štataŭ Jeŭropy», u jakich supolnaja fiskalnaja palityka zapeŭnić toje, što
krainy paŭnočnaj Jeŭropy buduć utrymlivać ekanomiku bolš marnatraŭnych krain Jeŭropy paŭdniovaj, takich, jak Hrecyja, Partuhalija, Italija i Ispanija.
Žychary hetych paŭdniovych krain, u jakich biespracoŭje dasiahnie aficyjna 20%, buduć zaniatyja ŭ šeraj haspadarčaj śfiery – «jak pakajoŭki dy aharodniki dla niemcaŭ, jakija ŭsie biez vyklučeńnia buduć mieć druhi dom na soniečnym poŭdni».
U zonu jeŭra – praciahvaje Fierhiusan – ustupiać novyja krainy: Polšča, Litva, Łatvija, jakija, na ŭzor Estonii, stanuć «uzornymi krainami novaj Jeŭropy, pryciahvajučy niamieckija inviestycyi, dziakujučy svaim liniejnym padatkam i adnosna nizkim zarobkam».
Ź pieranazvanaha Jeŭraźviaza vyjdzie Vialikabrytanija, zhodna z vynikami adpaviednaha refierendumu. Irłandyja ŭvojdzie ŭ Abjadnanaje Karaleŭstva, kab nie mieć kłopataŭ z udziełam u ES. Ad Jeŭraźviaza adłučacca taksama Danija, Šviecyja i Finlandyja, jakija razam z Narviehijaj i Isłandyjaj utvorać «Skandynaŭskuju lihu».
U novych Złučanych Štatach Jeŭropy budzie 29 dziaržavaŭ, bo miesca tych, jakija vyjšli, zojmuć šeść maleńkich krain byłoj Juhasłavii, a taksama Vałonija i Fłamandyja, jakija źjaviacca paśla raspadu Bielhii.
Stalica novaj fiederacyi budzie pieraniesienaja z Brusela ŭ Vienu, kab padkreślić niamieckaje daminavańnie.
Fierhiusan robić taksama prahnozy dla Blizkaha Uschodu, ale jany katastrafičnyja. Jon pradbačyć, što
ŭ nastupnym hodzie Izrail atakuje jadziernyja abjekty ŭ Iranie, nie zvažajučy na pratest ZŠA, a Iran adkaža na heta z dapamohaj svaich chaŭruśnikaŭ – radykalnych isłamistaŭ u Livanie i Siektary Hazy. Turcyja ŭstanie na bok Iranu ŭ vajnie ź Izrailem, a ŭ Jehipcie pryjduć da ŭłady fundamientalisty z Musulmanskaha bractva.
Iranskaja Varta revalucyi – pradbačyć aŭtar – zachopić adzin z amierykanskich karabloŭ u Piersidskaj zatocy i voźmie jahony ekipaž jak zakładnikaŭ. Heta budzie apošni ćvik u palityčnuju trunu prezidenta Abamy. Paśla vybaraŭ u ZŠA praz hod uładu ŭ Biełym domie atrymaje Mit Romni.
Budučyniu Biełarusi historyk-prarok nie razhladaŭ.
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali22
Kamientary