U 2011 hodzie kolkaść zvolnienych rabotnikaŭ pieravysiła kolkaść pryniatych na pracu
U 2011 hodzie arhanizacyjami Biełarusi (biez subjektaŭ małoha pradprymalnictva niedziaržaŭnaj formy ŭłasnaści) było zvolniena bolš rabotnikaŭ (901.138), čym pryniata na pracu (836.612), paviedamlaje Biełstat.
Na dadatkova ŭviedzienyja pracoŭnyja miescy pryniata 56,4 tys. čałaviek. Z ahulnaj kolkaści zvolnienych 7,8% było zvolniena za prahuł i inšyja parušeńni pracoŭnaj dyscypliny, 0,9% — u suviazi sa skaračeńniem kolkaści abo štata rabotnikaŭ, likvidacyjaj arhanizacyj.
Usiaho ŭ ekanomicy Biełarusi ŭ 2011 hodzie było zaniata 4 młn. 632 tys. čałaviek, što na 0,7% mienš, čym u 2010 hodzie.
Kolkaść biespracoŭnych, zarehistravanych u orhanach pa pracy, zaniataści i sacyjalnaj abaronie, na kaniec śniežnia 2011 hoda skłała 28,2 tys., što na 14,8% mienš, čym na kaniec śniežnia 2010 hoda. Uzrovień zarehistravanaha biespracoŭja na kaniec hoda skłaŭ 0,6% ad ekanamična aktyŭnaha nasielnictva (na kaniec śniežnia 2010 hoda — 0,7%).
Kamientary