In memoriam. Vital Haranovič

Na 61-m hodzie žyćcia pamior Vital Haranovič — były nastaŭnik i dyrektar hłybockaj siaredniaj škoły № 3, jakaja jahonymi namahańniami stała biełaruskamoŭnaj i trymałasia ŭ hetym statusie da apošniaha, pakul spadar Haranovič nie pakinuŭ svaju pasadu. Nie stała viadomaha na Hłyboččynie paeta, jaki pryncypova zastavaŭsia siabram Sajuzu biełaruskich piśmieńnikaŭ.

Jak pryncypovaha prychilnika biełaruskamoŭnaj adukacyi viedajuć i pamiatajuć Vitala Haranoviča ŭ Hłybokim. U siaredniaj škole № 3 vučniaŭ vychoŭvali biełarusami i patryjotami. Vital Ryhoravič ščyra hanaryŭsia mnohimi svaimi vychavancami, kaža miascovy krajaznaŭca, vydaviec haziety «Volnaje Hłybokaje» Uładzimir Skrabatun: «Usia škoła była całkam biełaruskamoŭnaja.

I jon sapraŭdy hanaryŭsia, što mnohija vučni byli, umoŭna kažučy, «na barykadach» — u Minsku ŭ 2006-m hodzie na płoščy, i «sutki» siadzieli... Jon tak i kazaŭ: «O! Heta maje vychavancy».

Były vučań hłybockaj siaredniaj škoły №3 Andruś Chrapavicki — zasnavalnik rehijanalnaha niezaležnaha sajtu westki.info: «Vital Ryhoravič — heta cełaja epocha. Heta čałaviek, na jakim trymałasia škoła, sapraŭdy biełaruskaja škoła, dzie byŭ biełaruski duch. Dniami kala škoły śpiłavali vialikija tapoli, jakija raśli tam šmat hadoŭ i jakija pamiataje nie adno pakaleńnie vypusknikoŭ. Heta niby simvał taho, što škoła stała ŭžo nie takaja, jak raniej... A jašče

Vital Ryhoravič — nie tolki vydatny piedahoh, a jašče i biełaruski paet, patryjot našaha horada i ŭsioj Biełarusi.

Kali Vital Haranovič pakinuŭ dyrektarskuju pasadu, škoła №3 pastupova pieratvaryłasia ŭ zvyčajnuju rasiejskamoŭnuju.

Jon kazaŭ, što syšoŭ ź piedahohiki pavodle ŭłasnaha žadańnia, ale šmat chto ŭ Hłybokim miarkuje, što heta było zroblena pad ciskam.

Paetka Maryja Baravik z Padśvilla zhadała, što z usich litarataraŭ rehijonu tolki jany ŭdvoch zastavalisia ŭ Sajuzie biełaruskich piśmieńnikaŭ: «Jon zastavaŭsia sa mnoj u starym sajuzie, nie pajšoŭ tudy. Ja jahonyja vieršy dobra viedaju. Jon taki paet-apisalnik, pra pryrodu choraša pisaŭ, raskošnyja vieršy takija, dobryja vieršy ŭ jaho».

Maryja Baravik redahavała adnu z čatyroch knižak Vitala Haranoviča, «Saraki». Jašče byli «Bieraźviečča», «Śviatło błakitu» i apošniaja — «Naradžeńnie vady».

Vieršy Vital Haranovič pačaŭ pisać jašče ŭ junactvie, kali vučyŭsia ŭ Choŭchłaŭskaj siaredniaj škole,

Sioleta 7 studzienia Vitalu Haranoviču spoŭniłasia 60 hadoŭ. U intervju rajonnaj haziecie «Vieśnik Hłyboččyny» jon kazaŭ, što paezija zaŭždy žyvie ŭ jahonaj dušy. I

jak čaścinka dušy paeta ziemlakam zastanucca jaho vieršy i pieśni — «Hłybocki vals», «Hłybockaje tanha», «Aziory Hłyboččyny», «Bieraźviečča».

• 0
• 0
• 0
• 0
• 0
• 0
• 0
• 0