Minadukacyi: Biełaruskija nastaŭniki zarablajuć 5–6 młn rubloŭ
Sami nastaŭniki pra heta nie viedajuć.
Pra heta finance.tut.by raspaviali ŭ Ministerstvie adukacyi. Pavodle słovaŭ pradstaŭnika ministerstva, paśla majskaha 5%-ha pavyšeńnia taryfnaj staŭki pieršaha razradu i pavieličeńnia dapłat da akładaŭ nastaŭnickija zarobki značna vyraśli. «Za 4 miljony, heta značyć 500 dołaraŭ, niekatoryja siońnia i pracavać u škole nie buduć», — adznačyła surazmoŭca.
— 5–6 miljonaŭ, viadoma, atrymlivajuć nie ŭsie nastaŭniki. Havorka pra tych, u kaho staž pracy 15–20 hadoŭ, vyšejšaja katehoryja i kłasnaje kiraŭnictva, — kankretyzavali ŭ Minadukacyi. — Ale heta nie zavuč, nie dyrektar škoły — zvyčajnyja nastaŭniki.
Vyšejšuju katehoryju ŭ Biełarusi majuć 36% piedahohaŭ.
Pavodle apošnich dadzienych Biełstata, siaredniaja naličanaja zarpłata nastaŭnikaŭ — 3,120 młn rubloŭ. Ale heta dadzienyja za krasavik. A pavieličeńnie zarpłaty, pra jaki kažuć u Minadukacyi, piedahohi adčuli ŭ červieni.
Ale adčuli, padobna, jašče nie ŭsio. Byli apytanyja niekalkich znajomych nastaŭnikaŭ. Dla ich infarmacyja ab zarpłacie ŭ 5–6 miljonaŭ stałasia siurpryzam.
— Ja atrymlivaju 2,5–2,6 miljona. U mianie vyšejšaja katehoryja, ale niama kłasnaha kiraŭnictva. Kali b było, atrymlivała by na 300 tysiač bolš. U lubym vypadku — nie bolš za 3 miljony, — raspaviała nastaŭnik ź Dziaržynska. — U červieni atrymała 3,3 miljona, — paviedamiła piedahoh maładziečanskaj himnazii. U jaje vyšejšaja katehoryja, kłasnaje kiraŭnictva i paŭtary staŭki.
Jašče adzin vopytny nastaŭnik z himnazii va Uruččy ŭ Minsku z vyšejšaj katehoryjaj i kłasnym kiraŭnictvam paviedamiła pra zarobak u 3,2 młn.
Pakul nam nie ŭdałosia znajści nastaŭnikaŭ, jakija atrymali ŭ červieni 5–6 miljonaŭ. Ale my praciahvajem pošuki.
Paśla źjaŭleńnia artykuły na našym partale, u redakcyju Finance.tut.by adzin ź minskich nastaŭnikaŭ (1 katehoryja, 26 hadzin (staŭka -18 hadzin), kłasnaje kiraŭnictva) dasłaŭ svoj raźlikovy list.
Kamientary