Z pradpryjemstva biez papiaredžańnia zvolnieny čarhovy siabar supołki niezaležnaha prafsajuza Vital Pašečka.
Ź mikaševickaha pradpryjemstva «Hranit» biez papiaredžańnia zvolnieny čarhovy siabar supołki niezaležnaha prafsajuza. U Vitala Pašečki dvoje małych dziaciej.
Spadar Pašečka kaža, što zvalnieńnie dla jaho stała poŭnaj niečakanaściu. Zahadzia jaho nie papiaredžvali, a zvolnili «pavodle artykuła»:
«Za „parušeńnie pracoŭnaj dyscypliny“. A kantrakt u mianie dziejničaje da 2014 hoda. Padstavaj pasłužyła toje, što ŭ traŭni ŭ mianie było niejkaje dyscyplinarnaje spahnańnie. Mianie nichto ničoha nie papiaredžvaŭ, u mianie ŭ traŭni nijakich „zalotaŭ“ nie było. Ja pryjšoŭ u noč na pracu, a mnie majstar zajaviŭ — zajści ŭ adździeł kadraŭ, maŭlaŭ, ja zvolnieny».
Jon kaža, što nie viedaje ni pra jakija dyscyplinarnyja spahnańni. Jon kaža, što jamu nie prapanoŭvali raśpisacca pad hetymi spahnańniami i navat nie aznajomili ź imi. Vital Pašečka pracavaŭ lukavym u cechu pahruzki.
«Dačce adzinaccać miesiacaŭ spoŭniłasia pazaŭčora. Budzie padarunak na dzień naradžeńnia — budzie tata biespracoŭny…»
Spadar Pašečka kaža, što płanuje apratestoŭvać zvalnieńnie. Jon pierakanany, što jaho zvolnili za ŭdzieł u niezaležnym prafsajuzie.
Takoj dumki prytrymlivajecca i kiraŭnik supołki niezaležnaha prafsajuzu na «Hranicie» Aleh Stachajevič:
«My bačym, što ŭsia sistema, usie sudy pracujuć na zdušeńnie čałavieka.
I tyja ludzi, jakija razam z nami vyraśli i kapalisia ŭ adnoj piasočnicy i abrali voś hety niečałaviečy šlach, šlach na zdušeńnie pravoŭ i svabodaŭ svaich susiedziaŭ, svaich svajakoŭ, svaich siabroŭ, blizkich, dziela hetaj sistemy, pry ŭsioj svajoj niepravacie adčuvajuć svaju biespakaranaść.Bo hetaja sistema ich baronić, jak my pierakanalisia ŭ sudach».
***
Naprykancy 2011 hoda niekalki socień pracaŭnikoŭ pradpryjemstva pa zdabyčy budaŭničaha kamieniu «Hranit» u Mikaševičach napisali zajavy, što vychodziać z aficyjnaha prafsajuza. Rabočyja abviaścili, što stvarajuć na pradpryjemstvie supołki Biełaruskaha niezaležnaha prafsajuza. Adrazu ž siabry niezaležnaha prafsajuzu adčuli cisk na siabie z boku administracyi.
Z pradpryjemstva byli zvolnienyja aktyvisty prafsajuzu Aleh Stachajevič, Hienadź Paŭłoŭski, Mikałaj Karyšaŭ. Zvolnili i žonku sakratara niezaležnaha prafsajuzu na «Hranicie» Ludmiłu Litvinku, jakaja pracavała na zamienie dekretnaha adpačynku.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary