Čarnobyl praciahvaje zabivać

Kiraŭnica dziaržaŭnaha centru radyjacyjnaj medycyny Eleanora Kapitonava: «Siarod tych, chto praciahvaje žyć na zabrudžanaj terytoryi, adznačajecca statystyčna dastavierny rost ankalohii, cardečna-sasudzistych chvarobaŭ, chvarobaŭ mozhu i kataraktaŭ». Pieršy raz za doŭhi čas dziaržaŭny rabotnik parušyŭ maŭčańnie na temu zdaroŭja žycharoŭ čarnobylskich terytoryj.

«Siarod likvidataraŭ, evakujavanaha nasielnictva j tych, chto praciahvaje žyć na terytoryi z uzroŭniem zabrudžvańnia vyšejšym za 15 kiury, adznačajecca statystyčna dastavierny rost zachvorvańniaŭ sardečna?sasudzistaj systemy, hałaŭnoha mozhu, ankalahičnych prablemaŭ i, jak ni dziŭna, chvarobaŭ orhanaŭ zroku, u pryvatnaści kataraktaŭ, — zajaviła ŭ interviju «Narodnaj haziecie» Eleanora Kapitonava, doktar medycynskich navuk, dyrektarka Respublikanskaha navukova?praktyčnaha centru radyjacyjnaj medycyny i ekalohii čałavieka. — Padobnyja tendencyi charakternyja siońnia nia tolki dla Biełarusi, ale j dla Rasiei dy Ŭkrainy, — skazała jana. — Ankalahičnyja zachvorvańni ŭ cełym pa Biełarusi rastuć taksama, jak i ŭ inšych krainach Eŭropy. Što datyčyć paciarpiełaha nasielnictva, dyk ŭ hetaj hrupie rost onkazachvorvańniaŭ apieradžalny, što j dazvalaje navukoŭcam źviazvać zachvorvańni z radyjacyjnym faktaram».

Adnak, zaścierahajecca Kapitonava, tych dadzienych, jakija sabranyja, nia dosyć, kab napeŭna havaryć, što hetaje nasielnictva stała čaściej chvareć onkazachvorvańniami paśla avaryi na ČAES.

Paśla taho jak Alaksandar Łukašenka zharnuŭ prahramu vyvadu čarnobylskich terytoryj ź sielskahaspadarčaha abarotu i dazvoliŭ zastavacca ŭ zonie ryzyki ŭsim, chto žadaje tam zastavacca, navukoŭcy i medyki zachoŭvali maŭčańnie na temu stanu zdaroŭja žycharoŭ čarnobylskich teyrytoryj. Asabliva nastrašyła navukovuju supolnaść źniavoleńnie prafesara Bandažeŭskaha — lidera ŭ daśledavańniach upłyvu radyjacyi na arhanizm. (Jaho asudzili za chabar, jon vyjšaŭ z turmy chvorym čałaviekam i pakinuŭ Biełaruś.)

Paśla 1996 hodu ŭrad Łukašenki źmianiŭ stratehiju zmahańnia z nastupstvami Čarnobylu. Hałoŭnym stała zabieśpiačeńnie žyćciadziejnaści ludziej na terytoryjach, na jakich jany pražyvajuć. Ludziej stali zaachvočvać zastavacca. Žycharam zony fakultatyŭnaha adsialeńnia stała ciažka znajści varyjant dla pierasialeńnia. Što charakterna, navat Dziarkamčarnobyl urešcie byŭ pieratvorany ŭ departament u składzie Ministerstva pa nadzvyčajnych sytuacyjach.

Hramadzkija aktyvisty daŭno bili tryvohu nakont vidavočnaha rostu zachvorvańniaŭ na čarnobylskich terytoryjach, adnak nia mieli statystyčnaha padmacavańnia dla svaich nazirańniaŭ.

Pryznańnie Kapitonavaj stavić pad pytańnie čarnobylskuju stratehiju ŭładaŭ za apošnija dziesiać hadoŭ. U demakratyčnaj krainie takaja zajava vyklikała b publičnuju dyskusiju nakont efektyŭnaści dziaržaŭnaj palityki ŭ hetaj sfery.

• 0
• 0
• 0
• 0
• 0
• 0
• 0
• 0