Jak skazaŭ pamočnik načalnika Smarhonskaj pahraničnaj hrupy Alaksandr Kołabaŭ, pamiežnikam pastupiła infarmacyja pra partyju inšamarak, jakija pierahaniali pa zamovie ŭ abchod mytnaha zakanadaŭstva. Aŭtamabili pryhaniali ŭ Biełaruś pa starych dakumientach, i ŭ vyniku hetaha ŭładalnik atrymlivaŭ inšamarku biez vypłaty mytnych płaciažoŭ.
Viečaram 15 vieraśnia na chutary kala vioski Kaznadziejuški Pastaŭskaha rajona, za paŭkiłamietra ad miažy, apieratyŭnyja supracoŭniki Smarhonskaj pahranhrupy vyjavili piać lehkavych aŭtamabilaŭ:dva «Mersedesy», «Reno», «Aŭdzi» i «Falksvahien». Mašyny supravadžali hramadzianin Litvy i dvoje hramadzian Biełarusi.
Padčas zatrymańnia litoviec i adzin ź biełarusaŭ zdalisia adrazu, a inšy hramadzianin Biełarusi pasprabavaŭ źbiehčy ad pieraśledu na «Falksvahienie» biez numarnych znakaŭ. Pry hetym jon nakiravaŭ aŭtamabil na pamiežnika i źbiŭ jaho.
U vyniku arhanizavanych ź milicyjaj pošukavych mierapryjemstvaŭ praz paŭtary hadziny złačynca byŭ zatrymany ŭ vioscy Łyntupy.
Aŭtamabil, na jakim złačyniec uciok, na nastupnuju ranicu byŭ znojdzieny ŭ lesie z raźbitym łabavym škłom, staranna zamaskiravany hallom.
Uvieś nielehalny transpart kanfiskavany.
Paciarpieły pamiežnik sa šmatlikimi traŭmami dastaŭleny ŭ vajenny špital orhanaŭ pahraničnaj słužby. Pa fakcie zdareńnia raspačata administracyjnaja i kryminalnaja vytvorčaść.
Ciapier čytajuć
«Źnik bieź źviestak» vielmi małady biełaruski najomnik5
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary