Як сказаў памочнік начальніка Смаргонскай пагранічнай групы Аляксандр Колабаў, памежнікам паступіла інфармацыя пра партыю іншамарак, якія пераганялі па замове ў абход мытнага заканадаўства. Аўтамабілі прыганялі ў Беларусь па старых дакументах, і ў выніку гэтага ўладальнік атрымліваў іншамарку без выплаты мытных плацяжоў.
Вечарам 15 верасня на хутары каля вёскі Казнадзеюшкі Пастаўскага раёна, за паўкіламетра ад мяжы, аператыўныя супрацоўнікі Смаргонскай пагрангрупы выявілі пяць легкавых аўтамабіляў:два «Мэрсэдэсы», «Рэно», «Аўдзі» і «Фальксваген». Машыны суправаджалі грамадзянін Літвы і двое грамадзян Беларусі.
Падчас затрымання літовец і адзін з беларусаў здаліся адразу, а іншы грамадзянін Беларусі паспрабаваў збегчы ад пераследу на «Фальксвагене» без нумарных знакаў. Пры гэтым ён накіраваў аўтамабіль на памежніка і збіў яго.
У выніку арганізаваных з міліцыяй пошукавых мерапрыемстваў праз паўтары гадзіны злачынца быў затрыманы ў вёсцы Лынтупы.
Аўтамабіль, на якім злачынец уцёк, на наступную раніцу быў знойдзены ў лесе з разбітым лабавым шклом, старанна замаскіраваны галлём.
Увесь нелегальны транспарт канфіскаваны.
Пацярпелы памежнік са шматлікімі траўмамі дастаўлены ў ваенны шпіталь органаў пагранічнай службы. Па факце здарэння распачата адміністрацыйная і крымінальная вытворчасць.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары