Mahiloŭski naziralnik prosić Akademiju navuk pravieryć teoryju imaviernaściaŭ
Na daterminovaje hałasavańnie pryjšło bolš za pałovu vybarcaŭ. 77% ź ich prahałasavali za praŭładnaha kandydata. U asnoŭny dzień za jaho tolki 27%.
Adpaviedny list były naziralnik za vybarami na ŭčastku № 53
«Ja nie pieršy raz naziraju za chodam vybaraŭ na dadzienym učastku.
Hetym razam skład kamisii byŭ całkam abnoŭleny i tamu kamisija sprabavała vykonvać praceduru padliku hałasoŭ vybarščykaŭ, —kaža Alaksiej Paŭłoŭski. — U adroźnieńni ad inšych vybarčych učastkaŭ na maim učastku na damu hałasavali ŭsiaho niekalki dziesiatkaŭ čałaviek. Pry ŭskryćci skryniaŭ dla hałasavańnia padlik biuleteniaŭ ździajśniaŭsia z kožnaj skryni paasobku, čaho nie było na inšych učastkach».
Kali ž skrynia z daterminovaha hałasavańnia była ŭskryta, to adtul dastali 880 biuleteniaŭ, 560 biuleteniaŭ dastali z skryni asnoŭnaha dnia hałasavańnia.
«Naturalna, što 880 čałaviek, albo 60% vybarščykaŭ učastka, prahałasavać daterminova nie mahli. Heta było bačna pa tym, jak stosami vyvalvalisia z skryni biuleteni. Kali ž pačali vieści padlik hałasoŭ, to akazałasia, što
pry daterminovym hałasavańni za praŭładnaha kandydata prakurora Eduarda Siankieviča prahałasavała 680 čałaviek, 60 — za bližejšaha kankurenta spn. Kuźminu, a astatnija 140 hałasoŭ raźmierkavalisia pamiž inšymi kandydatami i «suprać usich, —pryvodzić svaje padliki Alaksiej Paŭłoŭski. —
Kali ž padličyli biuleteni ŭ skryni z asnoŭnaha dnia hałasavańnia, to za Eduarda Siankieviča było 180 hałasoŭ, a za Kuźminu — 150.U pieršaj skryni suadnosiny hałasoŭ za Kuźminu i Siankieviča skłali 1:10, a ŭ druhoj — amal 1:1».
Voś tut, pa słovach naziralnika, i ŭźnikaje kazus teoryi vierahodnaści: jak takoje moža być?
«Bo ahulny nastroj vybarščykaŭ, ukinuŭšych biuleteń u skryniu, zvyčajna simietryčna adlustroŭvajecca ŭ roznych skryniach», — tłumačyć svaje sumnievy naziralnik. Kab atrymać adkaz na hetaje matematyčnaje pytańnie, Alaksiej Paŭłoŭski i źviarnuŭsia da lepšych navukoŭcaŭ Biełarusi.
Ciapier čytajuć
Stali viadomyja padrabiaznaści pra trahiedyju ŭ Połackim manastyry3
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary