Staŭka — vyhadniejšaja za raniejšuju.
AAT «Biełaruśkalij» i Śbierbank RF zaklučyli kredytnaje pahadnieńnie ab vydzialeńni biełaruskamu pradpryjemstvu pad harantyi ŭrada Biełarusi kredytu ŭ $ 1 młrd terminam na 3 hady, paviedamiŭ Interfaks. Staŭka kredyta trymajecca ŭ sakrecie, ale adznačajecca, što jana značna lepšaja za raniejšuju.
Jak paviedamlaŭ BiełaPAN raniej, AAT «Biełaruśkalij» u śniežni 2011 hoda atrymaŭ hadavy sindykavany kredyt Śbierbanka Rasii i JEABR na 1 młrd. dołaraŭ. Srodki Śbierbanka Rasii ŭ kredycie składajuć 900 młn. dołaraŭ, JEABR — 100 młn. dołaraŭ. Kredyt atrymany pad dvajnoje zabieśpiačeńnie — harantyi ŭrada Biełarusi, jakija, u svaju čarhu, zabiaśpiečanyja załoham 51% akcyj AAT «Naftan». Staŭka pa kredycie na pieršyja šeść miesiacaŭ składaje LIBOR (1,1%) + 7,6% hadavych. Z pačatku druhoha paŭhodździa staŭka pa kredycie pavialičvajecca na 0,3%. Srodki kredytu byli ŭklučanyja ŭ skład zołatavalutnych reziervaŭ Biełarusi šlacham vypusku doŭhaterminovych dziaržaŭnych papier na 800 młn. dołaraŭ, jakija vykupiŭ «Biełaruśkalij». Astatniuju častku kredytu kampanija pradała na biržy pa inicyjatyvie Nacbanka.
Cikava, što hetaje pahadnieńnie nie było padpisanaje ŭ časie vizitu kiraŭnika Śbierbanka Hiermana Hrefa ŭ Minsk. Ci nie byli za miesiac, što minuŭ ad 25 vieraśnia, dasiahnutyja niejkija dadatkovyja damoŭlenaści miž kiraŭnictvam krainaŭ?
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary