Urad miarkuje dadatkova zabrać z kišeniaŭ aŭtaamataraŭ 15 miljonaŭ eŭra.
U Biełarusi da kanca traŭnia čakajecca pavyšeńnie mytnych pošlinaŭ na ŭvoz aŭtamabilaŭ jurydyčnymi i fizyčnymi asobami. Urad miarkuje dadatkova zabrać z kišeniaŭ aŭtaamataraŭ 15 miljonaŭ eŭra.
Pošliny mohuć pavysicca na 5 eŭracentaŭ za kubičny santymentar abjomu ruchavika. To bok rastamožka aŭtamabila z dvuchlitrovym ruchavikom budzie abychodzicca pryblizna na 100 eŭra daražej, čym ciapier.
Usie nieabchodnyja dakumenty dla pavyšeńnia pošlin užo padrychtavanyja. Hałoŭnaj metaj hetaha novaŭviadzieńnie nazyvajecca nieabchodnaść papaŭnieńnia dziaržbiudžetu. Za košt novych pošlin urad miarkuje atrymać kala 15 miljonaŭ eŭra za hod.
Tym časam Siarhiej Sidorski ŭ interviju «Komsomolskoj pravdie v Biełoruśsii» paabiacaŭ, što ŭžo sioleta ŭ krainie pačniecca vypusk lehkavika koštam 6‑7 tysiač dalaraŭ. «Pry takim razumnym košcie ŭ našych mašyn budzie sučasny dyzajn, kamfortny sałon i dobraja jakaść», — abiacaje premjer.
— Časta hučyć ideja, što ŭ Biełarusi treba źbirać «Mersedesy» albo «Folksvahieny». Mnie zdajecca, heta niapravilna, — zajaviŭ Sidorski. — Nam treba stvarać ułasnuju vytvorčaść lehkavikoŭ. Hałoŭnaja meta — złamać stereatyp, što raz u Biełarusi niama vytvorčaści lehkavikoŭ, to i rabić ich my nia ŭmiejem.
Pad «ułasnymi aŭtamabilami» majucca na ŭvazie kitajskija madeli Hafei Princie i Hafei Simbo (na fota). Premjer‑ministar nastojvaje, što heta budzie «nia prosta šrubovačnaja zborka, a paŭnavartasnaja vytvorčaść».
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary