Kołasaŭski muzej vandruje pa krainie

Dziaržaŭny litaraturna‑miemaryjalny muziej Jakuba Kołasa ŭ suviazi z 125‑hodździem narodnaha paeta Biełarusi ekspanuje svaje fondy ŭ šerahu haradoŭ Biełarusi. Pra heta 16 maja ŭ Minsku na pres‑kanfierencyi paviedamiła dyrektar muzieja Zinaida Kamaroŭskaja.

Pavodle jaje słoŭ, ekspazicyja z rečavymi, piśmovymi i vyjaŭlenčymi relikvijami, siarod jakich ułasnyja rečy paeta i aryhinały listoŭ z kalekcyi muzieja, užo demanstravałasia ŭ Homieli, a ciapier ekspanujecca ŭ Babrujsku (Mahiloŭskaja vobłaść). Zatym vystava adpravicca ŭ Mahiloŭ, Brest, Viciebsk, Niaśviž (Minskaja vobłaść) i ŭ Muziej Maksima Rylskaha ŭ Kijevie (Ukraina).

Siarod płanujemych mierapryjemstvaŭ muzieja ŭ hetym hodzie Z.Kamaroŭskaja nazvała XVIII fiestyval junych muzykantaŭ «Symon‑muzyka» ź litaraturnym pradstaŭleńniem «Słova pra Kołasa» (Staŭbcoŭski rajon Minskaj vobłaści, 18.05), litaraturna‑muzyčny viečar «Łučnaść muz», pryśviečany 120‑hodździu Marka Šahała i 125‑hodździu Ja.Kołasa, adkryćcio novaj ekspazicyi ŭ filijale muzieja ŭ Staŭbcoŭskim rajonie i vystavy, pryśviečanaj 95‑hodździu sustrečy narodnaha paeta Biełarusi Janki Kupały ź Jakubam Kołasam na chutary Smolnia ŭ Staŭbcoŭskim rajonie (pry kancy červienia), prezientacyju pieršaha toma 20‑tomnaha zboru tvoraŭ Ja.Kołasa (u druhoj pałovie maja), vydańnie kampakt‑dyska «Jakub Kołas u muzycy», praviadzieńnie mižnarodnaj kanfierencyi «Kałasaviny», vydańnie encykłapiedyčnaha daviednika «Akružeńnie Jakuba Kołasa».

U ramkach mižnarodnaj akcyi «Noč muziejaŭ», što raspačynajecca viečaram 19 maja, upieršyniu budzie pakazany aryhinał rukapisu paemy Ja.Kołasa «Symon‑muzyka», jaki na hadzinu pradstaviać svajaki paeta.

Pavodle słoŭ dyrektara Nacyjanalnaha muzieja historyi i kultury Siarhieja Viečara, u prahramu akcyi «Noč muziejaŭ» uklučany kancerty staradaŭniaj muzyki, vystava staražytnych šachmat, dehustacyja straŭ staralitoŭskaj kuchni.

Siarod zapłanavanych mierapryjemstvaŭ hetaha hoda S.Viečar nazvaŭ asieńniuju vystavu «Mastackaje srebra» z fondaŭ muzieja, što ŭklučajuć bolš za 40 tys. tvoraŭ z kaštoŭnych mietałaŭ, a taksama ekspazicyju «Kaściareznaje ramiastvo Biełarusi», u jakoj buduć pradstaŭlenyja relikvii z mnohich muziejaŭ krainy. Dyrektar muzieja vykazaŭ nadzieju, što ŭ nastupnym hodzie pačniecca rekanstrukcyja druhoha korpusa ŭstanovy pa vulicy Frunze, 19 u Minsku płoščaj kala siami tysiač kvadratnych mietraŭ.

• 0
• 0
• 0
• 0
• 0
• 0
• 0
• 0