№ 4 (213), 22 — 29 studzienia 2001 h.
Adkryty list Suprać pabudovy naftapierapracoŭčaha zavodu
My, hramadzianie Biełarusi, siabry šerahu hramadzkich abjadnańniaŭ, dasyłajem hety list usim, kamu nieabyjakavy los Biełarusi, a taksama tym, chto pavinien vyrašać prablemu, ab jakoj havorka pojdzie nižej.
27.09.2000 h. u vykankam Viciebsku byŭ padadzieny list suprać pahrozy, jakaja budzie parušać ekalahičnuju raŭnavahu ŭ rehijonie. Pahroza hetaja — plany budaŭnictva hołdzinham “Łukojł” i Ciumienskaj naftahazavaj kampanijaj naftapierapracoŭčaha pradpryjemstva ŭ SEZ “Viciebsk”. Adkazu na hety list nie było atrymana.
Rasiejski biznes nie cikavicca tym, što ŭ našaj moładzi i nasielnictva ŭ cełym katastrafična horšaje zdaroŭje. Tak śviedčać spravazdačy pryzyŭnych medkamisijaŭ, a taksama vyniki štohadovych prafilaktyčnych ahladaŭ.
Na hetym fonie cynična vyhladaje publikacyja ŭ haradzkoj hazecie “Vićbičy” ad 20 lipienia 2000 h. U artykule malujucca pryvabnyja perspektyvy napaŭnieńnia dziaržaŭnaha biudžetu na dva miljony dalaraŭ štohod za košt funkcyjanavańnia vyšejaznačanaha pradpryjemstva. A ŭ jakich adzinkach tady ličyć zdaroŭje, jakoje budzie stračana žycharami Viciebsku?
Siońnia naša dziaržava — samy bujny pradprymalnik, jaki ŭsio ŭziaŭ u svaje ruki, i, jak vynikaje z vyšejskazanaha, nia dumaje ab zdaroŭi šarahovych hramadzianaŭ i ličyć tolki hrošy ŭ “svajoj kišeni” (biudžecie).
Zychodziačy z hetaha i nie spadziejučysia na vyrašeńnie dadzienaha stanovišča ŭładami, hrupa hramadzianaŭ Viciebsku stvaryła inicyjatyŭnuju hrupu, jakaja ŭžo sabrała kala piacisot podpisaŭ suprać planaŭ budaŭnictva ekalahična niebiaśpiečnaha pradpryjemstva, i hety zbor musić praciahvacca.
My patrabujem admieny hetaha prajektu i padačy infarmacyi pra jaho admienu ŭ srodkach masavaj infarmacyi.
U tym vypadku, kali našyja zakonnyja patrabavańni nia buduć vykananyja, my pakidajem za saboju poŭnuju svabodu dziejańnia ŭ miežach isnujučaha zakanadaŭstva.
Aksimovič Siarhiej, Sieluk Źmicier, Utkina Śviatłana,
Prychodźka Barys dy jašče siem podpisaŭ.
Dadatkovuju infarmacyju mažliva atrymać u pradstaŭnikoŭ inicyjatyŭnaje hrupy: Aksimoviča Siarhieja (0212) 61-70-37, 210015, Viciebsk, pr.Čarniachoŭskaha 9-47; Sieluka Źmitra (0212) 37-21-86, 210000, Viciebsk,
vuł.Suvorava, 13-5.
Ciapier čytajuć
Marata Markava pierasunuli z pasady ministra infarmacyi ŭ ministry kultury21
Kamientary