Nas 25%
10 vieraśnia na BT nam skazali, što 15% hałasavali “daterminova” i što hetyja hałasy možna prypisać Hančaryku, raz niechta śćviardžaje, što tam byli padtasoŭki nie na jahonuju karyść. Nu, raz možna, dyk niachaj nie 15, niachaj 10% prypišam. Razam z “aficyjnymi” dadzienymi heta atrymlivajecca 25%.
Nia ŭsio roŭna, nabraŭ Hančaryk 15% abo 25%. Bo hetaje hałasavańnie było nia vybaram miž asobami. Toj, chto addaŭ hołas Hančaryku, tym samym zajaviŭ: “Ja hatovy pracavać”. Toj, chto “za baćku”, zajaviŭ: “Ja hatovy spažyvać napracavanaje inšymi”. Dyk voś, 15% – heta kapiec, a 25% – heta dastatkova, kab trymać dziaržavu i vieści jaje napierad. Kali ŭ nas pa-sapraŭdnamu buduć pracavać 25% nasielnictva, my nie prapadziem. I ŭłada taksama budzie ličycca z hetymi ludźmi. Bo na vybarach i pierad imi ŭładzie patrebnyja byli nachlebniki, a ciapier treba tyja, chto pracuje. Asabista mnie padajecca važnym znakam “vylet” Zamiatalina ŭžo na treci dzień “novaha prezydenctva”.
Hančaryk musiŭ by pačać svajo kiravańnie jak minimum z troch rečaŭ: uvieści spraviadlivuju apłatu za žytło, za medyčnyja pasłuhi i padvysić (razy ŭ try-čatyry) canu harełki. Ciapier hetyja try rečy daviadziecca zrabić Łukašenku. Pryčym nieadkładna, bo kolki možna paić za košt pracaŭnikoŭ płojmu spažyŭcoŭ alkaholu, jakija časta raskašujuć u trochpakajovych kvaterach, a jak pryciśnie, biahuć da lekara, jaki biaspłatna pavinien viarnuć im prapitaje zdaroŭje.
Apateozam hłupstva “pieršaha prezydenctva” było zmahańnie z nacyjanalnaj symbolikaj. Na matčy z Ukrainaj 1 vieraśnia na trybuny nie puskali asobaŭ u biełych i čyrvonych majkach – navat u tym vypadku, kali sakołki hetych koleraŭ byli pad vopratkaj! Kudy pavierniecca ciapier palityka: ci buduć daśledavać užo našych panienak na koler majtkoŭ ci praktyka baraćby ź niepieramožnym i viečnym budzie vykinutaja razam z Zamiatalinym?
A.U., Homiel
Ciapier čytajuć
Kudy ciapier jeduć vučycca biełaruskija studenty — top krain i tendencyj11
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary