№ 39 (248), 24 vieraśnia 2001 h.
Nacyjanalny supraciŭ i duchovaje Adradžeńnie
Stratehija Maładoha Frontu paśla vybaraŭ
Siońnia, paśla maštabnych falsyfikacyjaŭ dy tatalnaha hvałtu nad hramadztvam, maładziovy nacyjanalny supraciŭ jość praktyčna adzinaj siłaj, zdolnaj abaranić i vyratavać krainu. Nijakija technalohii j namenklaturnyja suviazi, nijakija hrošy nia zrobiać taho, što dajuć ideja i duch. Za partaj i ŭ transparcie, u tusoŭcy j pa darozie va ŭniversytet, ź siabrami j milicyjantami akcyjami nacyjanalnaha supracivu robicca bieł-čyrvona-bieły značak na hrudziach, hučnaja biełaruskaja mova, pikiet abo hulnia, patrabavańnie svabody j spraviadlivaści, salidarnaja ŭzajemnaja padtrymka.
Za nacyjanalnym supracivam pavinna iści duchovaje Adradžeńnie. Druhim maładym frontam musiać stać aśvieta, kultura, adukacyja, sport, infamacyja, muzyka, kamputary — usio toje, što cikava siońniašniaj moładzi, praz što maładaja nacyja prychodzić da paŭnavartasnaha žyćcia. Tolki duchovy ŭzdym, tolki sutnasna chryścijanskaje abudžeńnie moładzi zdolnaje pieratvaryć nasielnictva ŭ zdarovaje hramadztva. Rasiejskaja imperyja j režym Łukašenki ŭžo prajhrali: biełaruskaja moładź užo adčuła rodnuju ziamlu pad nahami j Hospada Boha nad saboj. Moładź pačała vieryć i lubić – z hetym nijaki strach i djabalski hvałt, nijakija nianaviść i padman užo ničoha zrabić nia mohuć.
Nacyjanalny supraciŭ i duchovaje Adražeńnie buduć tolki macnieć. Siońniašniaja zadača Maładoha Frontu ŭ tym, kab łukašenkaŭskaj dyktatury, abyjakavaści j złu siarod studentaŭ, školnikaŭ i maładych rabočych prosta nie zastałosia miesca. Nijakaje bojazi. Nijakaje emihracyi. Nijakaje apatyi. Nas bolš, my macniejšyja – i my pieramožam!
Pavał Sieviaryniec,
lider Maładoha Frontu
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary