U toj čas, kali ŭ Miensku viruje palityčnaje žyćcio, pravincyja pa-raniejšamu śpić sabie nieprabudnym snom. Kab u hetym pierakanacca, dastatkova naviedać jaki-niebudź nievialiki horad — nu naprykład Vialejku.
Centar žyćcia Vialejki — jaje centralny plac imia Lenina. Tut i pomnik pravadyru, jaki tak nichto i nie advažyŭsia prybrać, i budynki miascovych uładaŭ, i dva chramy — Kryžaŭźvižanski kaścioł i carkva Śviatoj Maryi Ehipeckaj, pierabudavanaja z kaściołu paśla paŭstańnia Kalinoŭskaha.
Darečy, u Biełarusi vielmi šmat takich drobnych cerkvaŭ, pabudavanych u 1863—64 h. u honar zdušeńnia paŭstańnia. I zachavalisia navat piśmovyja paćvierdžańni takich uhanaravańniaŭ.
Vilejskija kinateatar i Dom kultury na vychodnych kankurujuć miž saboju ŭ pryciahnieńni miascovaj moładzi na dyskateki. Z 14 sakavika niepaŭnaletnim ich možna naviedvać tolki da 23 hadzin. Kažuć, što adna ź miascovych aktyvistak BRSM navat syšła z arhanizacyi, daviedaŭšysia pra hety «zahad prezydenta». U Domie kultury ŭ krasaviku čakajucca dźvie vialikija padziei: pryjezd «Pieśniaroŭ» i teatru «Chrystafor», jaki śviatkuje svajo 15-hodździe turam pa krainie.
Horad zbolšaha depalityzavany, i ciapier užo ciažka pavieryć, što ŭ 1994 h. tutaka na vybarach pieramoh Paźniak. Ale pry hetym na fonie susiedniaha Miadziełskaha rajonu, ź jakim Vialejščyna złučanaja ŭ adnu vybarčuju akruhu na sioletnich parlamenckich vybarach, rajon vyhladaje niabłaha. Tam, na Naračy, niama ni pradstaŭnictvaŭ apazycyjnych partyjaŭ, ni miascovych NDA — spryjalnaja hleba dla praŭradavych kandydataŭ, jakim zručna vykarystoŭvać rehijanalny patryjatyzm miadziełcaŭ. U Vialejcy ž isnujuć rajonnyja arhanizacyi partyj BNF, AHP i PKB, svabodnych prafsajuzaŭ, šerah niaŭradavych arhanizacyjaŭ. Voś tolki ź ludzkim resursam prablema: adny i tyja ž ludzi zajmajucca i ŭ partyjach, i ŭ niekalkich arhanizacyjach adnačasova. Na žal, sytuacyja nie ŭnikalnaja pa svajoj sutnaści.
Poŭny varyjant artykułu hladzicie ŭ hazecie "Naša Niva".
Źmicier Kazłoŭski, Vialejka
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary