Ci ŭśviedamlaje dziaržava, što, addajučy kałhasy ŭ arendu, jana addaje taksama častku palityčnaj ułady?
Kali tak, to jaje klasavaja sutnaść vyjaŭlajecca prosta nachabna. Elita dobraachvotna pastupajecca ŭładnaj prastoraj, dzie ŭłada nia zdolnaja prynosić babak. Apazycyja taksama mahła b za 17000 rub. nabyć sabie viosačku…
Prezydencki synedryjon syntezavaŭ kanhienijalnuju ideju — luby čuvak moža vykupić nierentabelny kałhas prykładna za skryniu «Krynicy»: 17000 rubloŭ. Baćkavy jajcahałovyja ŭžo tužacca adpaviednym dekretam.
Chacia ja ŭ sielskaj haspadarcy ni bum-bum, miarkuju, što prezydencki edykt aznačaje vialiki ahrarny set-up. Jak śćviardžaje sajt Chartyi, žyćcio pałovy z 2300 biełaruskich kałhasaŭ nahadvaje ekzystencyju siaredniaj niedziaržaŭnaj arhanizacyi z toj roźnicaj, što aplikiejšany pišuć nia Sorasu na hranty, a baćku na kredyty.
U vyniku «kancesizacyi», sa słoŭ kryejteraŭ ahrarnaj reformy, za kalcavoj raskiniecca biełaruskaja Arkadyja: sučasny Vasil Dziatlik budzie prystojna zarablać u sučasnaha biznesmena Karča, jakomu, u svaju čarhu , chopić hiešeftaŭ, kab: a) zakadziravacca; b) ustavić staromu Karču novyja zuby i v) zvazić žonku Hannu Čarnušku ź dziciem u staličny «Makdonaldz».
Poŭny varyjant artykułu čytajcie ŭ papiarovaj i pdf-versii "Našaj Nivy"
Lolik Uškin
Kamientary