Eks-rektar BDU Alaksandar Kazulin stvaraje ruch «Vola narodu». Jaho padtrymlivaje hazeta «Narodnaja vola». Łukašenka raźjušana reahuje na źjaŭleńnie Kazulina na palityčnaj scenie padčas «narady pa pytańniach karupcyi». Niezaležnaje hramadztva raskołataje ŭ staŭleńni da Kazulina. Prapanujem repartaž ź pieršaha publičnaha źjaŭleńnia Kazulina ŭ novaj jakaści, interviju ź im i kamentary.
«NN»: Vas praktyčna ceły hod nie było na hramadzka-palityčnaj arenie. Čym vy zajmalisia?
Alaksandar Kazulin: A što, vy ličycie, što nie pavinna być peryjadu asensavańnia svajho ŭłasnaha žyćcia, svajho ŭłasnaha šlachu?
«NN»: Vy nazyvali siabie «čałaviekam prezydenta». Ciapier Vy faktyčna idziacie suprać jaho…
AK: Ja idu nia suprać jaho, a ŭ dapamohu.
«NN»: Nie zvažajučy na toje, što Łukašenka jasna daŭ zrazumieć, što pojdzie na treci termin?
AK: Heta jaho prava prymać rašeńnie. Kožny prymaje rašeńnie, maje prava vybaru. Pytańnie ŭ tym, ci adpaviadajuć hetyja rašeńni voli narodu, ci adpaviadajuć jany budučamu raźvićciu.
«NN»: Vam ciapier nie škada, što pry Vas u BDU pierastaŭ isnavać Svabodny prafsajuz studentaŭ?..
AK: Ničoha padobnaha! Što nie pry mnie — sto pracentaŭ. (Svabodny prafsajuz studentaŭ u BDU pierastaŭ isnavać u 2000 h. paśla ŭcisku na jaho aktyvistaŭ z boku administracyi ŭniversytetu. — AŠ.)
«NN»: Vy siabie ličycie prarasiejskim palitykam ci praeŭrapiejskim?
AK: Ja nie nazyvaju siabie ni prarasiejskim, ni praeŭrapiejskim. Ja nazyvaju siabie biełaruskim palitykam.
«NN»: Na prezydenckich vybarach 2001 h. Vas nazyvali mahčymym kandydatam. Ci źbiralisia vy tady nasamreč iści ŭ prezydenty?
AK: Pamiž mahčymaściu i vynikam — vialikaja roźnica. Ad namieraŭ da dziejańniaŭ vialikaja adlehłaść. U nas jość šmat ludziej z namierami. I niašmat ludziej ź dziejańniami.
Poŭny varyjant čytajcie ŭ papiarovaj i pdf-versii hazety "Naša Niva"
Kamientary