Novyja biełaruskija CHCHCHmulty

«Jahony vystup u vieraśni, dzie jon kazaŭ pra padaŭžeńnie paŭnamoctvaŭ, zapaliŭ mianie. Jaho słovy źniali ź mianie zdranćvieńnie i maralnyja abmiežavańni. Jak kažuć, jak vy da nas, tak i my da vas».

Pieršyja multfilmy («Kontury» i «Rozdumy…») Viktar zrabiŭ za tydzień. Za luty—sakavik na jahonym sajcie pabyvali 33 000 naviednikaŭ.

Stvaralnik prajektu «Mult-klub» Viktar svaju asobu afišavać nia choča: «Pra siabie mahu skazać tolki toje, što naradziŭsia ŭ Biełarusi, tut skončyŭ universytet dy znajšoŭ pracu i źjaždžać adsiul nikudy nie źbirajusia».

Ideja zrabić fłeš-animacyju na vostrasacyjalnyja temy ŭ jaho naradziłasia niečakana. «Da idei spryčyniŭsia prezydent. Jahony vystup u vieraśni, dzie jon kazaŭ pra padaŭžeńnie paŭnamoctvaŭ, zapaliŭ mianie. Jaho słovy źniali ź mianie zdranćvieńnie i maralnyja abmiežavańni. Jak kažuć, jak vy da nas, tak i my da vas». Viktarava złość, kryŭda, biaśsille padšturchnuli da akcyi supracivu. Supracivu kulturnaha. Pieršyja multfilmy («Kontury» i «Rozdumy…») Viktar zrabiŭ vielmi chutka — za tydzień — i vykłaŭ ich u Internecie. Za niekalki dzion jany raźlacielisia pa biełaruskaj virtualnaj prastory. Za pieršyja dva tydni multfilmy Viktara pahladzieli bolš za 10 000 čałaviek (a praz kolki ruk prajšli dyskiety i dyski z «palityčnymi mulcikami»!). Za luty—sakavik zafiksavana 33 000 naviednikaŭ. Najpierš ściahvajuć multfilmy naviedniki ź Biełarusi, na druhim miescy — ZŠA, potym — Rasieja, Polšča i Niamieččyna.

«Nia dumaŭ, što budu malavać multfilmy i dalej. Pieršyja seryi byli dla mianie krykam adčaju, emacyjnym usploskam. Ale šmat kaho jany zacikavili — kolki mnie listoŭ z padziakaj dasłali! Tamu vyrašyŭ nie spyniacca, i heta pieraŭtvaryłasia ŭ kankretny sposab pratestu. Tym bolš što hałoŭny hieroj multoŭ pastajanna padkidvaŭ novyja siužety», — zhadvaje Viktar. Ideju padajuć i sami hledačy — na sajcie jość dla hetaha admysłovy forum. Tak, naprykład, adzin z naviedvalnikaŭ padkazaŭ ideju seryi pra padatki, a viadomy biełaruski publicyst padaŭ ideju seryi pad nazvaj «Maryjanetki». Jość siužety i dla novych seryj: «Vo, prezydent užo raspačaŭ svaju pieradvybarnuju kampaniju, choć da vybaraŭ jašče hod. Napieradzie pasiaŭnaja z selektarnaj naradaj, potym «Hulaj, dziareŭnia» — «Dažynki» i «Słavianski bazar». Čakaju ad prezydenta hnieŭnaha adkazu Eŭraparlamentu za pryniaćcie rašeńniaab «dyktatury ŭ Biełarusi» — asobnaja seryja moža być», — dzielicca planami animatar.

Poŭny varyjant čytajcie ŭ papiarovaj i pdf-versii hazety "Naša Niva"

Siarhiej Budkin

• 0
• 0
• 0
• 0
• 0
• 0
• 0
• 0