Раніцай 8 верасня на нямецкім аўтабане A8 (Карлсруэ — Штутгарт — Мюнхен — Зальцбург) на ўчастку паміж гарадамі Пфорцхайм і Хаймсхайм загарэўся аўтобус, які перавозіў беларускіх турыстаў, якія вярталіся з Іспаніі.
У аўтобусе з літоўскімі нумарамі знаходзілася 68 пасажыраў. Усім пасажырам і двум кіроўцам падчас пажару ўдалося выйсці з аўтобуса. У дзесяці пасажыраў ёсць падазрэнне на атручванне дымам. Шкода ад пажару ацэньваецца ў 100 тысяч еўра.
Як паведамляе tio.by, інцыдэнт адбыўся з аўтобусам, які перавозіў кліентаў кампаніі «Інтэрлюкс тур». «Група нашых турыстаў вярталася з класічнага тура па Іспаніі з адпачынкам на моры. Заўважыўшы задымленне, кіроўцы спынілі машыну і эвакуявалі ўсіх пасажыраў. Наогул, трэба адзначыць, што хлопцы спрацавалі вельмі аператыўна. Што тычыцца багажу, то практычна ўсе рэчы ўдалося выратаваць: сумкі паспелі дастаць нават з багажнага аддзялення», — паведаміла ў інтэрв'ю парталу дырэктар кампаніі Ірына Шпакоўская.
Паводле яе слоў, былі сапсаваныя пашпарты некалькіх турыстаў, і зараз пытанне з атрыманнем імі пасведчанняў на вяртанне ў Беларусь вырашаецца ў беларускім пасольтве ў Варшаве.
«Цяпер турысты яшчэ працягваюць паездку: яны пераначавалі ў гатэлі і накіроўваюцца ў Беларусь», - сказала Шпакоўская.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары